Այս վիճակից դուրս գալու համար, այո, պետք է քննարկումներ ունենալ. Քոչարյանը Փաշինյանի հետ նույն սեղանի շուրջ նստելու մասին

ՀՀ երկրորդ նախագահ Ռոբերտ Քոչարյանը անդրադարձավ ՀՀ վարչապետ Նիկոլ Փաշինյանի հետ նույն  սեղանի շուրջ նստելու և քննարկումներ ունենալու հարցին: Սեպտեմբերի 28-ին մամուլի ասուլիսի ժամանակ լրագրողը հետաքրքրվեց՝ Քոչարյանը պատրա՞ստ է վարչապետ Նիկոլ Փաշինյանի հետ նույն սեղանի շուրջ նստել և քննարկում ունենալ, եթե օրակարգում լինի պայքարի և Հայաստանի համար նոր ճանապարհներ բացելու հարցը:

«Մարդիկ չգիտես ինչու ֆիքսվել են մի պատկերի վրա՝ սեղան, որի շուրջ նստում են Նիկոլ Փաշինյանը և նախագահները: Ես այդ պատկերի համար չեմ իմ տեսակով, բայց այս վիճակից դուրս գալու համար, այո', պետք է քննարկումներ ունենալ, և Վեհափառի նախաձեռնությամբ այդ ֆորմատին մասնակցելը նաև նպատակ ուներ լուծումներ գտնել, փորձել քննարկումներով լուծումների գալ: Տեր-Պետրոսյանի (ՀՀ առաջին նախագահ Լևոն Տեր-Պետրոսյան- խմբ.) առաջարկը  կատեգորիկ անընդունելի էր ինձ համար, բայց մենք չենք ասել, որ վերջ, դրանից հետո էլ չենք գալու, որովհետև անընդունելի է: Մենք դուռը բաց ենք թողել քննարկումների համար, ուղղակի խնդիրը հետևյալն է. մարդկանց մոտ մեծ սպասելիքներ են առաջացել, որ նախկին նախագահները և Վեհափառը լուծում են գտնելու այս իրավիճակին: Ժողովուրդ ջան, այս վիճակից լուծումը պետք է առաջարկի, գտնի և այդ ճանապարհով տանի իշխանությունը: Եվ, եթե այդ առաջարկը իշխանության կողմից չի եղել, այլ հանրային ինչ-որ պահանջ է ձևավորվել, այդ սպասելիքների հասցեատերը այդ ֆորմատը չպետք է լինի»,- ասաց Քոչարյանը:

Հանրային հեռուստաընկերությանը տված հարցազրույցում ՀՀ առաջին նախագահ Լևոն Տեր-Պետրոսյանը հայտարարել էր, որ Հայաստանը հայտնվել է ծանր վիճակում, սպասվում են ցավոտ որոշումներ՝ ընդգծելով, որ պայմանագրեր պետք է կնքվեն Թուրքիայի և Ադրբեջանի հետ: Առաջին նախագահը կարծիք էր հայտնել, որ ընդդիմությունն ու իշխանությունը պետք է երկխոսեն, որպեսզի առկա բոլոր հնարավոր լուծումներից ընտրեն ամենաքիչ ցավոտ լուծումը:

Այս թեմայով Ես ուզում եմ Հայրենիք ու պատիվ ունենալ, ես չեմ ուզում էս կյանքից նզովված գնալ. Բագրատ Սրբազան (տեսանյութ) Սսպասումս Փաշինյանի հրաժարականն է. Ռոմելա Սարգսյան (տեսանյութ) Կարճ ուղեցույց «Հանուն Հայրենիքի» շարժման նախաձեռնած խաղաղ հավաքների մասնակիցների համար Եթե ժողովուրդը ցանկանա, Հայոց Հայրապետն էլ օրհնի, ես ով եմ, որ չհամաձայնեմ. Բագրատ սրբազանը` վարչապետի պաշտոնը զբաղեցնելու մասին (տեսանյութ) Մեքենայից դուրս եկած աղջիկ երեխան նետվեց Բագրատ սրբազանի գիրկը (տեսանյութ) «Ամաչում ենք ձեզ համար». ԵՊՀ ժուռֆակի շրջանավարտը՝ դեկան Նաղաշ Մարտիրոսյանին Որոշ կճղակավորներ իրենց «տիրոջ» հետևի ոտքերի արանքում տեղավորվելու համար Սրբազանի ոտքերի վերքերի տեսանյութը մեկնաբանում են որպես մանիպուլացիա․ Արշակ Զաքարյան Գործընթացը պետք է տեղափոխվի քաղաքական հարթակ. Բագրատ Սրբազան (տեսանյութ) Ուղղիչ դպրոցի աշխատակցին հեռացրել են աշխատանքից էրոտիկ նկարահանումների համար Շուրջ 600 000 հայ մասնակցեց Երկրորդ համաշխարհայինին` իրենց ավանդը բերելով նացիզմի դեմ հաղթանակին