Նիկոլ Փաշինյանի հանդիպումը ՔՊ-ականների հետ ավարտվեց
PoliticalԱյսօր ժամը 18:00-ից Նիկոլ Փաշինյանը Հայաստանի խորհրդարանում հանդիպում է անցկացրել իր կուսակցության անդամների հետ։ Մասնակցել են «Քաղաքացիական պայմանագիր» խմբակցության և գործադիր իշխանության անդամները։ Հանդիպման օրակարգում են եղել ներքաղաքական և աշխարհաքաղաքական վերջին իրադարձությունները, ինչպես նաև Փաշինյանի այցերն ու հանդիպումները Միացյալ Նահանգներում և Ֆրանսիայում։
Հանդիպումից հետո ՔՊ-ականները հրաժարվեցին որևէ մեկնաբանություն տալուց՝ պատճառաբանելով, թե նման հանդիպումները պարբերական բնույթ են կրում, իսկ աշխատանքային փակ քննարկումները իրենք չեն կարող բարձրաձայնել: