Հայաստանը մահացու բախումներից հետո ավելի շատ աջակցություն ստացավ ԱՄՆ-ից, քան ՌԴ-ից. Fox News

Ադրբեջանի հետ մահացու բախումներից հետո Հայաստանն ավելի շատ աջակցություն «գտավ» ԱՄՆ-ի մոտ, քան իր դաշնակից Ռուսաստանի։

Ամերիկյան Fox News հեռուստաալիքն այսպես է նկարագրել Հայաստանի շուրջ ստեղծված իրավիճակը վերջին իրադարձություններից հետո՝ ներկայացնելով Հայաստանի անվտանգության խորհրդի քարտուղար Արմեն Գրիգորյանի հետ հարցազրույցը:

Fox News-ի փոխանցմամբ՝ Հայաստանի պաշտոնյաները «անհանգստացած են», որ Ռուսաստանը շարունակում է զենք մատակարարել Հայաստանի հակառակորդին՝ Ադրբեջանին։

Անվտանգության խորհրդի քարտուղար Արմեն Գրիգորյանը, ով անցած շաբաթ մի շարք կարևոր հանդիպումներ է ունեցել ԱՄՆ-ում, այդ թվում՝ ԱՄՆ նախագահի ազգային անվտանգության խորհրդականի, պաշտպանության նախարարության և Կենտրոնական հետախուզական գործակալության բարձրաստիճան պաշտոնյաների հետ, Fox News-ին ասել է, որ Ռուսաստանի կողմից Ադրբեջանին զենք մատակարարելը «նորություն չէ», դա «երկար պատմություն» է, որի մասին Հայաստանը խոսել է Մոսկվայի հետ։

«Սա հանրային տեղեկատվություն է։ Այո դա ճիշտ է: Եվ սա մեզ շատ է անհանգստացնում։ Դա ինչ-որ նոր բան չէ»,- Ադրբեջանին ռուսական զենք մատակարարելու մասին ասել է Արմեն Գրիգորյանը։

Հարցազրույցի ընթացքում ԱԽ քարտուղարը խոսել է նաև սեպտեմբերի 13-14-ին Ադրբեջանի կողմից իրականացված ռազմական ագրեսիայի մասին՝ ընդգծելով, որ միջազգային հանրությունը պետք է քայլեր ձեռնարկի և դատապարտի Ադրբեջանի կողմից ուժի կիրառումը։

Այս թեմայով Եկեղեցին հրաժարվեց Փաշինյանի օկուպացիոն արքունիքի մաս կազմել․ Արմեն Աշոտյան Կարծում եմ՝ պատահական չէ, որ թուրքամետ ֆիլմը ցուցադրվում է հենց այս օրերին․ Արմեն Այվազյան Ադրբեջանը հնարավոր բոլոր միջոցներով ու հարթակներով հայտարարելու է, որ «Հայաստանը օկուպանտ» է. Արմեն Հովասափյան Արմեն Դանիելյանը միակ թեկնածուն է՝ ԲԴԽ անդամ ընտրվելու համար ՀԻՄԱ․ Արմեն Աշոտյանի գործով դատական նիստ Աշխատող, արարող քաղաքացին իր երկրի հաջողության յուրատեսակ երաշխավորն է. Արմեն Սարգսյան Արմեն Փամբուխչյանն ընտրվել է Երևանի թեթև ատլետիկայի ֆեդերացիայի նախագահ Հայաստանի Հանրապետության հիմնական պետական ինստիտուները երբեք չեն հայկականացվել․ Արմեն Այվազյան Եկեղեցին ճիշտ այնտեղ է, որտեղ պետք է լինի` իր ժողովրդի կողքին. Արմեն Աշոտյան Հերիք եղա՛վ, մենք ստի մեջ չպիտի ապրենք. Արսեն Գրիգորյանը՝ Ոսկեպարից (տեսանյութ)