Եղիսաբեթ II-ի Jaguar-ը աճուրդի կհանվի (լուսանկարներ)

Մեծ Բրիտանիայի թագուհի Եղիսաբեթ II-ին (1926-2022) պատկանող Jaguar X-Type Estate լիաքարշակ ավտոմեքենան աճուրդի է հանել անգլիական Historics Auctioners աճուրդի տունը։ Ինչպես չորեքշաբթի օրը հայտարարել են նոյեմբերի 26-ին կայանալիք աճուրդի կազմակերպիչները, մեկնարկային նվազագույն վաճառքի գին չի սահմանվի, ուստի տեսականորեն այն կարող է վաճառվել նույնիսկ 1 ֆունտ ստերլինգով։

Միևնույն ժամանակ, ակնկալվում է, որ ավտոմեքենան կգրավի կոլեկցիոներների ուշադրությունը, քանի որ Եղիսաբեթ II-ը վերջերս է մահացել: Նորին Մեծությունը մահացավ սեպտեմբերի 8-ին՝ Շոտլանդիայի Բալմորալ ամրոցում, և թաղվեց Վինձորի ամրոցի տարածքում սեպտեմբերի 19-ին:

2009 թվականին թողարկված մեքենայի առաջին սեփականատերը Եղիսաբեթ 2-րդն էր, որը, ինչպես գրում է Daily Mail-ը, այն օգտագործել է մինչև այս տարվա գարուն։ Ընդարձակ մեքենան, որն ունի պաշտպանիչ ծածկոց՝ բեռնախցիկում շների տեղափոխման համար, հագեցած է երեք լիտրանոց վեց մխոցանոց բենզինային շարժիչով։ Թագավորական մեքենայի վազքը կազմում է 72,5 հազար մղոն (117 հազար կմ):

Մեքենայի գույնը հայտարարված է որպես «կրակոտ զմրուխտ» (մետաղական կանաչ), ինտերիերը զարդարված է բաց բեժ կաշվով՝ վահանակի վրա փայտե տարրերով, ղեկով և ավտոմատ փոխանցման տուփով: Մեքենան համալրված է կլիմատ կոնտրոլով, էլեկտրական ապակիներով և տանիքով։
Բրիտանական թագավորական ընտանիքի անդամների մեքենաները, այդ թվում՝ անձամբ Եղիսաբեթ II-ի վարած մեքենաները, պարբերաբար աճուրդի են հանվում և վաճառվում հինգ և վեցանիշ գումարով։

Թագուհին մոլի ավտովարորդի համբավ ուներ: Դեռևս երբ նա արքայադուստր էր, Երկրորդ համաշխարհային պատերազմի ժամանակ նա վերապատրաստվել է՝ որպես շտապօգնության վարորդ։ Մինչև իր կյանքի վերջը Եղիսաբեթ II-ը հայտնվում էր թերթերի առաջին էջերում՝ իր Jaguar, Range Rover և Land Rovers ավտոմեքենաների ղեկին: Երբ անցյալ տարվա նոյեմբերին բժիշկները նրան խորհուրդ տվեցին երկու շաբաթ հանգստանալ, մի քանի օր անց միապետին նկատեցին նույն Jaguar-ի վարորդի նստատեղին, որը շուտով կվաճառվի աճուրդում։ Միևնույն ժամանակ, Նորին Մեծությունը երբեք վարորդական իրավունք չի ունեցել։ Նա Միացյալ Թագավորությունում միակ մարդն է, ում թույլատրվել է վարել առանց լիցենզիայի և առանց համարանիշի:

Այս թեմայով Նորավան գյուղի գերեզմանատան մոտակայքում արվել է ավտոմեքենա Չինարի գյուղում այրվել է ավտոմեքենա Արմավիր քաղաքում ավտոմեքենա է այրվել «Տաթև» վանական համալիրի մոտակայքում այրվել է ավտոմեքենա Գարեգին Նժդեհի փողոցում այրվել է ավտոմեքենա Երևանի Թումանյան փողոցի թիվ 25 շենքի մոտ բախվել է 6 ավտոմեքենա. երկու մարդ հոսպիտալացվել է Մերկասառույց ու խցանումներ՝ Կապան-Գորիս ճանապարհին․ փրկարարները քարշակել են ավելի քան 20 ավտոմեքենա Աբովյան քաղաքում ավտոմեքենա է այրվել Վլադիմիր Պուտինը Կիմ Չեն Ընին ավտոմեքենա է նվիրել Գարեգին Նժդեհի և Մանթաշյան փողոցների խաչմերուկի մոտ բախվել է երկու ավտոմեքենա, երեք մարդ հոսպիտալացվել է