18 և 16 տարեկան տղաները գողություն էին արել Ուռուտ գյուղում. Ստեփանավանի ոստիկանների բացահայտումը

Հոկտեմբերի 9-ին ոստիկանության Ստեփանավանի բաժնում գողության վերաբերյալ հաղորդում էր տվել Լոռու մարզի Ուռուտ գյուղի մի բնակիչ: Այդ օրը, ժամը 11.30-ից 15.00-նն ընկած ժամանակահատվածում, պատուհանի ապակին կոտրել ու մտել էին տան բակում գտնվող մթերային խանութ և գողացել դրամարկղում եղած մոտ 150 հազար դրամն ու ծխախոտ՝ պատճառելով մոտ 480 հազար դրամի վնաս: Այս մասին հայտնում է ՀՀ ոստիկանությունը։

«Մեկնել էր բաժնի օպերատիվ խումբը, իրականացրել անհետաձգելի գործողություններ, իսկ Ստեփանավանի քննչական բաժնում նախաձեռնվել էր քրեական վարույթ: Բաժնի քրեական հետախույզների հետևողական աշխատանքն ի վերջո արդյունք տվեց: Օպերատիվ տեղեկություն ստացվեց, որ գողությունը կատարել են նույն գյուղի երկու բնակիչ՝ 18 և 16 տարեկան: Հետագա միջոցառումներով պարզվեց, որ գողոնը թաքցրել էին գյուղի հարակից Գոմեր կոչվող տարածքում: Նրանք հրավիրվել են բաժին և ընդունել, որ գողությունը հոկտեմբերի 9-ի կեսօրին կատարել են իրենք: Հափշտակված փողի մի մասը հայտնաբերվել է։

Հետագա օպերատիվ-հետախուզական միջոցառումների և քննչական գործողությունների շնորհիվ հաջողվել է պարզել, որ 18-ամյա երիտասարդը օգոստոսի 13-ին կատարել էր ևս մեկ գողություն. քարով կոտրել է Ուռուտ գյուղի «Հայփոստի» մասնաճյուղի պատուհանի ապակին և գողացել հանգանակությունների գումարը` 31 հազար դրամ:

Ձեռնարկվում են միջոցառումներ՝ գողոնի մյուս մասը հայտնաբերելու ուղղությամբ: Նախաքննությամբ հանգամանքները պարզվում են»,-ասված հաղորդագրության մեջ:

Այս թեմայով Հայրենական պատերազմի մասնակից պապիկս դարձավ 99 տարեկան․ Սուրեն Պապիկյան Այսօր Ոսկեպար գյուղի տարածքում զոհված ոստիկանների 33-րդ տարելիցի օրն է Իսրայելը Ռաֆահի բնակիչներին կոչ է արել սկսել տարհանվել Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր ՀԻՄԱ․ Կիրանցի ճանապարհը ոստիկանների կողմից դեռ փակված է մնում Հրդեհ Զովունի գյուղում Ուղղակի ամաչում եմ հայ ոստիկանների համար. Բագրատ Սրբազան (տեսանյութ) Ազգությամբ «հայ» ոստիկանների ձեռքով «հայկական իշխանությունը» փորձում է ճնշել իրական հայ գյուղացուն Վրաստանի նախագահը կոչ է արել դադարեցնել nւժի կիրառումը ցուցարարների նկատմամբ «Հրդեհից 1 ամիս առաջ տեռորիստ էին բռնել Ազատ գյուղում». կացարանի հրդեհից զոհվածի պապիկ (տեսանյութ)