Գնաճի հետ կապված խնդիր ունենք, բայց միջզգային զեկույցներում գրում են, որ Հայաստանում գնաճը տարածաշրջանում ամենացածրն է. վարչապետ

Կան մտահոգություններ, բայց կան նաեւ շուկայական իրողություններ. եթե պետությունն անհարկի միջամտություններ իրականացնի փոխարժեքի հետ կապված, դրանից մեր տնտեսությունը միայն կտուժի ու կկորցնի: Այս մասին այսօր Հանրային ՀԸ-ի եթերում ասաց ՀՀ վարչապետ Նիկոլ Փաշինյանը՝ անդրադառնալով նրան, որ դրամի արժեւորման պայմաններում արտահանող ոլորտները մեծ վնասներ են կրում:

«Մենք տեղյակ ենք այդ մտահոգություններին եւ մեր տնտեսական թիմը, այդ թվում ԿԲ փորձագետները, անընդհատ քննարկում ենք: Կարծում եմ՝ մենք վարում ենք ճիշտ տնտեսական քաղաքականություն, եւ այդ քաղաքականության արգասիք է այն աննախադեպ տնտեսական աճը, որ Հայաստանն ունի:

Բայց ես չեմ ասում, որ չպետք է լսենք գործարարների ահազանգերը: Մենք պետք է դրանք լսենք, վերլուծենք, եւ եթե կա օբյեկտիվ խնդիր, դրան պետք է արձագանքենք ճիշտ գործիքակազմերով: Որեւէ կերպ Հայաստանը փոխարժեքին եւ ԿԲ դրամավարկային քաղաքականությանը չպետք է խառնվի: Հակառակ դեպքում շուկայական տնտեսության համարումը կկորցնենք»,-ասաց նա:

Հարցին, թե արդյոք քաղաքացիները կզգա՞ն այդ տնտեսական աճն իրենց մաշկի վրա, վարչապետը պատասխանեց. «Այսօր էլ քաղաքացիները այդ աճը զգում են: Իհարկե, գնաճի հետ կապված խնդիր ունենք, բայց արդեն միջզգային զեկույցներում գրում են, որ Հայաստանում գնաճը տարածաշրջանում ամենացածրն է կամ ցածրերից մեկն է»:

Այս թեմայով Քանի գյումրեցի օլիմպիական չեմպիոն դառնա, էդքան օլիմպիական դպրոց ենք կառուցելու․ Նիկոլ Փաշինյան Նիկոլ Փաշինյանի գլխավորությամբ խորհրդակցություն է կայացել Մենք ուրախ ենք, որ Միացյալ Նահանգները ներգրավված է տարածաշրջանում. Փաշինյան Ո՞ր երկիրն է, որ գնված զենքը մինչ օրս չի մատակարարել Հայաստանին «Խոսում էիք Հրայր Թովմասյանից, ԿԸՀ նախագահ նշանակեցիք Վահագն Հովակիմյանին». լրագրողը՝ Փաշինյանին Փաշինյանն անդրադարձել է Լուկաշենկոյի աղմկահարույց ելույթին Ձևավորվում են պետություն-եկեղեցի նոր հարաբերություններ. գուցե ի վերջո եկեղեցին զբաղվի իր բուն գործառույթներով. Փաշինյան Հայաստանը 2007-ին ընդունել է, որ Լեռնային Ղարաբաղն Ադրբեջանի մաս է. մենք ինչքա՞ն պետք է սա չարձանագրենք. Նիկոլ Փաշինյան Ինչու՞ եմ ասել Արցախը Հայաստան է և վերջ․ Նիկոլ Փաշինյանի պարզաբանումը Խաղաղության պայմանագրի մի քանի տարբերակներ կան. Փաշինյան