ՔՊ վարչության ընտրությունների կեղծիքի բացահայտման գործընթացը համարում եմ փակված. «Հրապարակ»

Армянская пресса 26 Ноябрь, 2022 10:37

«Հրապարակ» օրաթերթը գրում է․

««Քաղպայմանագիր» կուսակցության վարչության ընտրակեղծիքների թեման դեռեւս չի փակվել, սակայն ՔՊ-ական պատգամավոր, վարչության նախկին անդամ Նարեկ Բաբայանը վստահեցնում է, որ իրավական գործընթաց չկա, ՔՊ-ականներից որեւէ մեկը չի դիմել իրավապահներին, որ վերջիններս քննություն իրականացնեն։

- Պարոն Բաբայան, «Քաղաքացիական պայմանագրի» վարչության ընտրությունների կեղծիքը համարում եք բացահայտված-փակվա՞ծ, թե՞ ճիշտ են լուրերը, որ իրավական քննություն է գնում։

- Ես այդ գործընթացը համարում եմ փակված, իսկ իրավական գործընթացից որեւէ բան տեղեկացված չեմ, հետեւաբար՝ չկա նման գործընթաց։

- Գուցե կա՝ Դո՞ւք տեղեկացված չեք, լուրեր կան, որ մի պատգամավոր է դիմել իրավապահներին։

- Ոչ, չկա նման բան։

- Համարում եք, որ դա փակվա՞ծ հարց է, այսինքն՝ կարող ենք արձանագրել, որ չեք ցանկանում բացահայտել ընտրակեղծարարներին, որովհետեւ 1-2 քվեաթերթիկի անճշտության հարց չէր, ինչպես Ձեր որոշ թիմակիցներ էին փորձում ներկայացնել, այլ որոշ անձանց օգտին 20, 30, 40 ձայն ավել էր հաշվվել։ Կարծում եք՝ տեխնիկական բնույթի վրիպա՞կ է եղել։

- Գիտեք՝ կարծեմ ուսումնասիրությունները դեռեւս չեն ավարտվել, եւ եթե կարիք լինի, որ իրավական գործընթաց սկսվի, ապա չկասկածեք, որ դա էլ կլինի, մեր դեպքում ոչ մի խնդիր, խոչընդոտ չկա այս հարցում։

- Իսկ ովքե՞ր են ուսումնասիրություններ անում, ներկուսակցական մակարդակո՞ւմ է արվում։

- Այո, ներկուսակցական մակարդակում։

- Իսկ մինչեւ այս պահը չե՞ն պարզել՝ միտումնավո՞ր են կեղծիքներ արել, թե՞․․․ օրինակ, Արմեն Փամբուխչյանի օգտին մոտ 20-25 քվենչէին հաշվել, մեկ ուրիշի օգտին 40 քվե ավել էհաշվվել, կարելի է ասել՝ ակնհայտ էդիտավորությունը։

- Ոչ ոք չի կարող պնդել, որ եղել է միտումնավոր։ Եթե դիտավորություն լիներ, ապա վստահ եղեք՝ այլ հետեւանքներ կունենար՝ պատասխանատվության տեսանկյունից։
Ես մանրամասներին չեմ տիրապետում, բայց գիտեմ, որ որոշ տեխնիկական խնդիրներ են առաջացել։

- Բայց ասում եք՝ դեռ ուսումնասիրում են, հիմա տեխնիկակա՞ն է եղել խնդիրը, թե՞ գուցե ուսումնասիրություններից այլ բան պարզվի։

- Ես կարծում եմ՝ տեխնիկական է եղել, բայց մինչեւ վերջ չեմ կարող պնդել։

- Այսինքն՝ տեղի՞ն են քննադատություններն առ այն, որ ձեր ուժը, որը, պարզվեց, մի փոքրիկ ներկուսակցական ընտրություն չի կարողանում մաքուր կազմակերպել, ինչպե՞ս կարող է արդար-թափանցիկ համապետական ընտրություններ անցկացնել։

- Ոչ, համապետական ընտրությունները կազմակերպում է ԿԸՀ-ն, իսկ այդ ընտրությունները ԿԸՀ-ն չի կազմակերպել, եւ շատ այլ տարբերություններ էլ կան։ Համապետական ընտրություններին նման քվեարկություններ էլ չկան։

- Փաստորեն, խոստովանում եք, որ Տիգրան Մուկուչյանը լավն էր, մինչդեռ նախկինում բոլորովին այլ կարծիք ունեիք։

- Հա, լավն էր (ծիծաղում է)»։