Մինչև 1000 բնակիչ ունեցող գյուղերում նպաստների վճարման անկանխիկ եղանակը կներդրվի 2024-ի հունվարի 1-ից

«Պետական նպաստների մասին» օրենքում կատարված փոփոխությունների համաձայն՝ ընտանեկան ու սոցիալական նպաստների, ինչպես նաև հրատապ օգնության վճարումը կատարվելու է անկանխիկ եղանակով՝ բանկերի միջոցով, հիշեցնում են Աշխատանքի և սոցիալական հարցերի նախարարությունից:

Վճարող բանկն ընտրում է ընտանիքի չափահաս այն անդամը, ով ներկայացնում է համապատասխան նպաստ կամ հրատապ օգնություն նշանակելու դիմում:

Բացառություն կկազմեն այն դեպքերը, երբ նպաստ կամ հրատապ օգնություն նշանակելու դիմումը ներկայացնող ընտանիքի չափահաս անդամի 75 տարին լրացել է կամ նա ճանաչվել է 1-ին կամ 2-րդ խմբի հաշմանդամություն ունեցող անձ: Այս դեպքում նպաստ նշանակելու դիմումը ներկայացնող անձն ինքն է ընտրում վճարման եղանակը՝ կանխիկ կամ անկանխիկ։

Համակարգը կներդրվի փուլերով. քաղաքներում և 1000-ից ավելի բնակիչ ունեցող գյուղերում 2023 թ․ փետրվարի 1-ից հետո նպաստ կամ հրատապ օգնություն նշանակելու դիմում ներկայացնելու դեպքում վճարման եղանակը կորոշվի՝ հաշվի առնելով դիմում ներկայացրած անձի տարիքը կամ 1-ին կամ 2-րդ խմբի հաշմանդամություն ունենալու կամ չունենալու հանգամանքը։ Կանխիկ եղանակով ստացողները վճարման եղանակը փոխելու և բանկ ընտրելու համար կարող են դիմել Միասնական սոցիալական ծառայության՝ բնակության վայրն սպասարկող տարածքային կենտրոն։

Եթե մինչև 2023 թ․ փետրվարի 1-ը ներկայացված դիմումների հիման վրա քաղաքներում և 1000-ից ավելի բնակիչ ունեցող գյուղերում նշանակված նպաստը կամ հրատապ օգնությունը 2023 թ․ փետրվարի 1-ից հետո կշարունակվեն վճարվել կանխիկ եղանակով և եթե չի ներկայացվի վճարման եղանակը փոխելու ու բանկ ընտրելու դիմում, ապա 2023 թ․ հուլիսի 1-ից գումարները կվճարվեն բացառապես անկանխիկ եղանակով՝ ծրագրային գործիքով ընտրված բանկի միջոցով։ Բացառություն կկազմեն այն անձինք, ում 75 տարին լրացել է, կամ նա ճանաչվել է 1-ին կամ 2-րդ խմբի հաշմանդամություն ունեցող անձ։

Մինչև 1000 բնակիչ ունեցող գյուղերում անկանխիկ եղանակը կներդրվի 2024 թվականի հունվարի 1-ից (գյուղերի ցանկը՝ ըստ բնակչության թվի, հաստատված է ՀՀ Կառավարության 2020 թվականի դեկտեմբերի 17-ի N 2058-Ն որոշմամբ):

По теме Армения улучшила позицию по Индексу свободы прессы на 2024 год и является лидером в регионе Состоялась вторая репетиция представляющей Армению на конкурсе “Евровидение-2024” группы “Ладанива” В Испании нашли редкий исламский «Эскалибур» возрастом 1000 лет В ООН считают, что уровень бедности в Палестине к июлю 2024 года может превысить 60% “Ереванский бестселлер”: лидер мартовского списка - роман “Ярость” Алекса Михаэлидеса: переводы, март, 2024 Positive Peace 2024: Показатель Армении улучшился на 9,2 процента Макрон намерен добиться прекращения огня в текущих конфликтах на время ОИ-2024 в Париже По прогнозам Азиатского банка развития, рост экономики Армении в 2024 году достигнет 5,7% В марте 2024 года Армению посетили 154 215 туристов “Ереванский бестселлер”: лидирует книга “Дорога”: художественно-документальная литература, февраль 2024