Անհրաժեշտ է, որ գործի Ստեփանակերտի օդանավակայանը. Արցախի պետնախարար
ԱրցախՍտեղծում ենք համակարգ՝ լիարժեք շրջափակման պայմաններում բնակիչներին ապահովելու բոլոր անհրաժեշտություններով: Անհրաժեշտ է, որ գործի Ստեփանակերտի օդանավակայանը: «Արցախպրեսի» փոխանցմամբ՝ «Կոմերսանտ»-ին տված հարցազրույցում անդ մասին ասել է Արցախի պետնախարար Ռուբեն Վարդանյանը։
«Դրա համար անհրաժեշտ է միջազգային կազմակերպությունների և բոլոր երկրների ճնշումը, որպեսզի ստեղծվի մարդասիրական միջանցք, և մարդասիրական բեռ տեղափոխող ինքնաթիռները կարողանան վայրէջք կատարել Ստեփանակերտի օդանավակայանում: Դա միակ հնարավորությունն է կախում չունենալու Ադրբեջանից»,-ասել է պետնախարարը և շեշտել, որ դրա համար անհրաժեշտ է միջազգային համաձայնություն, ինչը թույլ կտա մարդասիրական օդանավերին թռչել Արցախ:
Արցախի պետնախարարը շեշտել է, որ էլեկտրականություն և հեռախոսակապ կա, բայց պահը, երբ կարող ենք զրկվել դրանից, մոտ է:
Անդրադառնալով Բաքվի հետ գործակցելու հնարավորությունը՝ այս և այլ ճգնաժամերը լուծելու համար, Վարդանյանն ասել է, որ այդ հարցի շուրջ բազմիցս հայտնել է իր դիրքորոշումը: «Ադրբեջանը պետք է հասկանա, որ պետք է ճանաչել Արցախը որպես բանակցությունների կողմ: Եվ այդ ժամանակ ամեն ինչ կարելի է քննարկել: Այստեղ մարդկանց ամբոխ չէ ապրում, սա երկիր է, պետություն: Կան ինստիտուտներ, խորհրդարան, կառավարություն, նախագահ, հասարակական կազմակերպություններ: Պետք է նստել և բանակցություններ վարել, այլ տարբերակ չկա»,- ասել է նա: