Պուտինը հավաստի տեղեկություններ չունի Ուկրաինայում ռուսական բանակի դրության մասին․ WSJ

ՌԴ նախագահ Վլադիմիր Պուտինը հավաստի տեղեկություններ չունի Ուկրաինայում ռուսական բանակի դրության մասին, քանի որ նրա մերձավոր շրջապատը և ուժայինները թաքցնում են նրանից «տհաճ» մանրամասները, գրում է Wall Street Journal-ի ամերիկյան հրատարակությունը։

Լրագրողների եզրակացությունները հիմնված են Ռուսաստանի և Արևմուտքի ներկայիս և պաշտոնաթող ֆունկցիոներների և հետախույզների, ինչպես նաև «Կրեմլին մոտ կանգնած մարդկանց» հետ մի քանի ամիս շփվելու վրա։

Ըստ WSJ-ի աղբյուրների՝ Պուտինն ամեն առավոտ ռազմաճակատից գրավոր հաշվետվություն է ստանում, սակայն նախ՝ դրանում միշտ շեշտը դրվում է հաջողությունների վրա, իսկ ձախողումները հարթեցվում են, և երկրորդ՝ երբեմն այն ուշանում է մի քանի օրով, քանի որ այն անցնում է ԱԴԾ-ի, Անվտանգության խորհրդի և անձամբ նրա ղեկավար Նիկոլայ Պատրուշևի ֆիլտրերով։

Պուտինը վերջերս մի փոքր ավելի է հետաքրքրվել պատերազմի իրական պատկերով, նշում է WSJ-ն, բայց «նա շարունակում է շրջապատված լինել վարչակազմով, որը նրան վստահեցնում է, որ Ռուսաստանը կհաղթի, չնայած մարդկային և տնտեսական բոլոր կորուստներին»:

«Ըստ ռուս նախկին պաշտոնյաների և Կրեմլի մերձավոր մարդկանց՝ Պուտինը վճռական է Ուկրաինային մեխին սեղմելու հարցում և պատրաստ է տարիներ շարունակ մոբիլիզացնել Ռուսաստանի բնակչությանն ու տնտեսությանը դա անելու համար»,- գրում է WSJ-ն։

Իր հերթին, Ռուսաստանի նախագահի մամուլի քարտուղար Դմիտրի Պեսկովը հրապարակմանը տրված մեկնաբանության մեջ «պարապ շահարկումներ» է անվանել Պուտինի՝ ռազմաճակատի իրական իրավիճակի անտեղյակության մասին եզրակացությունները։ «Ցանկացած պնդում, թե նա խեղաթյուրված տեղեկատվություն է ստանում, չի համապատասխանում իրականությանը»,- ընդգծել է նա։

Այս թեմայով «Այս նկարով ամեն տեղ կթողնեն»․ տեսանյութ՝ Պուտին-Ալիև հանդիպումից Ռուսաստանում արժեզրկումը դանդաղել է. Պուտին Միգրանտները Ռուսաստանին չեն օգնի, այլ մոտեցումներ են պետք․ Պուտին «Կրոկուսում» տեղի ունեցածի բոլոր պատասխանատուները պետք է պատժվեն. Պուտին Հայտնի է՝ երբ տեղի կունենա Պուտինի երդմնակալությունը Շատ բան է կախված մեր երկրների փոխգործակցությունից․ Ալիևը՝ Պուտինին Ադրբեջանը և Ռուսաստանը համատեղ մասնակցում են Հյուսիս-Հարավ տրանսպորտային միջանցքի ռեալիզացիային․ Պուտին Կիմ Չեն Ընը երթևեկել է Պուտինի նվիրած ավտոմեքենայով (լուսանկար) Պուտինն ու Ռաիսին քննարկել են Մերձավոր Արևելքում տիրող իրավիճակը Մոսկվան ստիպված էր պատասխանել ուկրաինական հարձակումներին․ Պուտին