«Սեզար» կինոմրցանակաբաշխությունն արգելել է բոլոր նրանց մուտքը, ովքեր մեղադրվում են սեռական բռնության մեջ

Ֆրանսիայի ազգային կինոմրցանակաբաշխությունը՝ «Սեզարը», որը ստացել է «Ֆրանսիական Օսկար» անվանումը, արգելել է ներկա գտնվել մրցանակաբաշխությանը բոլոր այն անձանց, ովքեր մեղադրվում են սեռական բռնության և սեռական բնույթի հանցագործությունների մեջ,  հայտնում է The Hollywood Reporter-ը։

Միևնույն ժամանակ, դերասանները, ռեժիսորները, պրոդյուսերները և կինոարդյունաբերության այլ գործիչներ կկարողանան «Սեզարի» անվանակարգեր ունենալ և ստանալ մրցանակներ։ Նրանք պարզապես չեն կարողանա ներկա գտնվել բուն գալա արարողությանը, և եթե հաղթեն, ոչ ոք չի կարողանա խոսել նրանց անունից։

Ինչպես հիշում է The Hollywood Reporter-ը, ֆրանսիական կինոարդյունաբերությունը չափազանց դանդաղ է արձագանքել MeToo-ի դարաշրջանի պահանջներին: Այսպիսով, դերասան Ժերար Դեպարդյեի բռնաբարության մասին մեղադրանքը չխանգարեց նրան շարունակել իր աշխատանքը, և Կինոյի ու անիմացիայի ազգային կենտրոնի նախագահ Դոմինիկ Բուտոննան վերընտրվեց երկրորդ ժամկետով՝ չնայած սեռական բռնության մասին մեղադրանքներին։

«Սեզար» մրցանակն ինքնին 2020 թվականին սկանդալի կենտրոնում էր այն բանից հետո, երբ «Լավագույն ռեժիսոր» անվանակարգում մրցանակը ստացավ Ռոման Պոլանսկին («Սպան և լրտեսը» ֆիլմի համար), ով 70-ականներին մեղադրվում էր 13-ամյա աղջկա բռնաբարության մեջ և թաքնվում էր ԱՄՆ իրավապահներից։ Հաղթողի հայտարարումից հետո դահլիճում շատերը, այդ թվում՝ «Կրակի աղջկա դիմանկարը» ֆիլմի ստեղծողները, ռեժիսոր Սելին Սիամման և դերասանուհի Ադել Հենելը, ի նշան բողոքի, լքեցին արարողությունը։ Ինքը՝ Պոլանսկին, չէր մասնակցում միջոցառմանը, քանի որ վախենում էր «հրապարակային խարանումից»:

2023 թվականի «Սեզար» մրցանակաբաշխությունը տեղի կունենա փետրվարի 24-ին։

Այս թեմայով Բրիտանացին նախկին ընկերուհուն սպառնալիքներով և վիրավորանքներով 41 դրամական փոխանցում է ուղարկել Տղամարդն ամուսնացել է բրնձի կաթսայի հետ Զույգը հրաժարվել է երեխաներից և մեծ գումարներ ծախսել շների հագուստի համար Ռեալիթի-շոուի աստղը էրոտիկ տեսանյութի շնորհիվ 12 ժամում վաստակել է մեկ միլիոն դոլար Մոդելը փորձել է գայթակղիչ պարերի միջոցով ընտրվել Կոնգրեսում (տեսանյութ) Արա՛ ինքդ. 7 անկեղծ պատմություն` ինքնաբավարարման տեխնիկայի մասին Ռուս կինը համացանցում ներկայացել է որպես գայթակղիչ արտաքինով աղջիկ և խարդախությամբ գումարներ հափշտակել տղամարդկանցից Աշակերտների համար պորտապար պարած ուսուցչուհին ներողություն է խնդրել (տեսանյութ) Ինչ կարող է ձեր մասին պատմել սեքսում ձեր ամենասիրելի դիրքը Սարսափելի տեսքով մոդելը ցույց է տվել, թե ինչ տեսք է ունեցել պլաստիկ վիրահատություններից առաջ (լուսանկարներ)