Իրանի խորհրդարանի նախագահը կհանդիպի Թուրքիայի և Ադրբեջանի գործընկերների հետ
Иран
Իրանի խորհրդարանի նախագահ Մուհամմեդ Բաղեր Ղալիբաֆը կհանդիպի Թուրքիայի և Ադրբեջանի գործընկերների հետ, հայտնում է Mehr-ը։
Ղալիբաֆը մեկնել է Թուրքիա, որտեղ նախատեսվում է Անթալիայում մասնակցել Ասիական խորհրդարանական վեհաժողովի (ԱՊԱ) 13-րդ լիագումար նիստին։
Հանդիպմանը կմասնակցեն յոթ երկրների՝ Թուրքիայի, Իրանի, Ադրբեջանի, Սաուդյան Արաբիայի, Արևելյան Թիմորի, Թուրքմենստանի և Եմենի խորհրդարանների նախագահները։
«Այս ուղեւորությունը լավ հնարավորություն է բոլոր ասիական երկրների համար, հատկապես այսօրվա երերուն աշխարհում»,- մեկնելուց առաջ ասել է Իրանի օրենսդիր մարմնի ղեկավարը։
Նրա խոսքով, բացի Թուրքիայում կայանալիք հիմնական բազմակողմ հանդիպումից, երկկողմ բանակցությունների համար շատ հնարավորություններ կլինեն։
«Հանդիպումներից մեկին կմասնակցեն Իրանի, Թուրքիայի և Ադրբեջանի ներկայացուցիչները: Հաշվի առնելով պայմանները և տարածաշրջանում իրավիճակի արագ զարգացումը՝ այդ բանակցությունները կարող են արդյունավետ դառնալ եռակողմ համագործակցության առումով»,- ասել է Ղալիբաֆը:
Նա նշել է, որ տարածաշրջանի կայունությունը կախված է տարածաշրջանի երկրների համագործակցությունից։ Որքան շատ օտարերկրյա պետություններ միջամտեն տարածաշրջանային խնդիրներին, այնքան մեծ է տարածաշրջանում իրավիճակի ապակայունացման և սրման հավանականությունը, կարծում է իրանցի քաղաքական գործիչը։
Ղալիբաֆը նաև հավելել է, որ Իրանը դեմ է տարածաշրջանում սահմանների հետ կապված աշխարհաքաղաքական ցանկացած փոփոխության։
Самое популярное 
Архиепископ: Алиев с включенной в машине песней «Нолду Пашинян» разъезжает по Арцаху
