Իրանի ԱԳՆ խոսնակը ցավակցել է 15 զինծառայողի մահվան կապակցությամբ
Иран
Իրանի Իսլամական Հանրապետության արտաքին գործերի նախարարության խոսնակ Նասիր Քենանին ցավակցել է ՀՀ զորամասերից մեկում հրդեհի հետևանքով 15 զինծառայողի մահվան կապակցությամբ: Ինչպես տեղեկացնում է «Արմենպրես»-ը, այս մասին հաղորդագրություն է տարածվել դեսպանության «Թվիթեր»-ի էջում։
«Իրանի Իսլամական Հանրապետության արտաքին գործերի նախարարության խոսնակը, խորին ցավ հայտնելով ՀՀ ՊՆ զորամասում բռնկված հրդեհի դեպքի կապակցությամբ, որի հետևանքով զոհվել է 15 անձ, և ևս մի քանիսը վիրավորվել են, ցավակցություն է հայտնում զոհվածների ընտանիքներին, ՀՀ կառավարությանը և ժողովրդին ու շուտափույթ ապաքինում է մաղթում վիրավորներին»,- նշված է հաղորդագրության մեջ։
2023 թվականի hունվարի 19-ին հաղորդում է ստացվել այն մասին, որ նույն օրը՝ ժամը 01։30-ի սահմաններում, ՀՀ ՊՆ Գեղարքունիքի մարզի Ազատ գյուղում տեղակայված N զորամասի ինժեներասակրավորային վաշտի անձնակազմի համար նախատեսված կացարանում հրդեհ է բռնկվել, որի հետևանքով նույն վաշտի 15 զինծառայող մահացել է, երեք զինծառայող ստացել է տարբեր աստիճանի մարմնական վնասվածքներ։ Նախնական տվյալներով հրդեհը բռնկվել է վառարանը ավտոբենզինով վառելու պատճառով։
Դեպքի առթիվ ՀՀ ՔԿ ԶՔԳՎ հինգերորդ կայազորային քննչական բաժնում ՀՀ քրեական օրենսգրքի 532-րդ հոդվածի 4-րդ մասով նախաձեռնվել է քրեական վարույթ։
Самое популярное 
Архиепископ: Алиев с включенной в машине песней «Нолду Пашинян» разъезжает по Арцаху
