Գարիկ Սարգսյանի՝ «սառույցին» գրված խոստումներն ու կնքված ուշագրավ պայմանագրերը

Մի քանի ամիս առաջ Վեդի համայնքի ղեկավար ընտրվեց Գարիկ Սարգսյանը, ով նախընտրական խոստումների մի աստղաբույլ էր հնչեցրել: Հայացք գցելով Սարգսյանի տված և կատարված խոստումների վրա՝ կարող ենք փաստել, որ ինչպես և մարզպետի պաշտոնում, այնպես էլ համայնքապետի պաշտոնում, Սարգսյանը չի շտապում ի կատար ածել իր կայսերական ծրագրերը:

Եվ այսպես, ինչ էր խոստանում Սարգսյանը վեդեցիներին՝ ներդրումներ, նոր աշխատատեղեր, համայնքի կայուն զարգացում, նորարարական մոտեցումներ, կենցաղային խնդիրների լուծում;

Այժմ տեսնենք, թե ինչով է, ըստ Վեդու համայնքապետարանի, զբաղված համայնքի ղեկավարը: Դիցուք՝ նշել են տարեցների միջազգային օրը, ուսուցչի տոնն են շնորհավորել, բերքահավաք են կազմակերպել, երիտասարդների միջազգային օրն են նշել, Վարդավառի տոնը, «Իմ քայլը» հիմնադրամի գովազդն են արել, Արարատյան փողոցի այրված լուսատուներն են փոխել, Գոռավանի կամուրջի տակ գտնվող խողովակն են մաքրել, անվճար միջհամայնքային երթուղի են ներդրել, որը թերևս միակ պիտանի գործն է որ կատարել է համայնքապետարանն այս ողջ ընթացքում:

Գարիկ Սարգսյանը նաև ուշագրավ պայմանագրեր է կնքել, դիցուք՝ շուրջ 488 հազար դրամ է ծախսվել ամանօրյա տոնական նվերների փաթեթներ ձեռք բերելու համար:

Բացի այդ, Վեդիի համայնքապետարանը ուղևորափոխադրման պայմանագիր է կնքել Վեդու բեռնաուղևորատար ավտոտրանսպորտային» ՍՊԸ-ի հետ։

Ուշագրավն այս պատմության մեջ այն է, որ տվյալ ընկերության դեմ տեսչական մարմինը վարույթ էր հարուցել, ինչը փաստացի Գարիկ Սարգսյանին չի խանգարել վերջինիս հետ պայմանագիր կնքել։

Եվս մեկ պայմանագիր  է կնքվել հարկայինի սև ցուցակում հայտնված ընկերության հետ։