Անհետացած կատվին տերերը գտել են չորս ամիս անց՝ տնից հազար կիլոմետր հեռավորության վրա

Մեծ Բրիտանիայի Լեդբերի քաղաքի բնակիչներ Ջեֆ և Շենոն Սմիթները տնից հազար կիլոմետր հեռավորության վրա գտել են Դեքսթեր անունով իրեից անհետացած կատվին։ Այս մասին հայտնում է Daily Record-ը։

Կատուն անհետացել էր 2022 թվականի հոկտեմբերի սկզբին։ Սեփականատերերն ենթադրել են, որ նա կարող էր թաքնվել մոտակա տներում, և սկսել են որոնել։ Ջեֆն ու Շենոնը սոցցանցերում տեղադրել են Դեքսթերի անհետացման մասին հաղորդագրությունը: Որոշ մարդիկ հայտնել են տերերին, որ քաղաքում կատու են տեսել, սակայն նրան գտնել չի հաջողվել։

Չորս ամիս անց Ջեֆն ու Շենոնը զանգ են ստացել անասնաբուժական կլինիկայից։ Հաստատության աշխատակիցների խոսքով՝ Դեքսթերը գտնվել է Օրկնեյան կղզիներում և բնակվել է մի տարեց կնոջ գոմում։ Երբ նա կատվին տարել է ստուգման, անասնաբույժները նրա վզկապում հայտնաբերել են չիպ՝ տերերի կոնտակտային տվյալներով:

Չնայած լավ նորությանը, Ջեֆն ու Շենոնը նոր մարտահրավերի առաջ են կանգնել։ Այժմ նրանք պետք է տուն տանեն Դեքսթերին, և նրա փոխադրումը կարող է շատ թանկ արժենալ: «Մենք փնտրում ենք բոլոր հնարավոր ուղիները, որոնց միջոցով իմ զուգընկերը կարող է հասնել այնտեղ, բայց դա մեծ գումար է: Դեքսթերն այժմ ապրում է 85-ամյա կնոջ հետ իր ֆերմայում։ Նա այս պահին նա շատ երջանիկ է»,- ասռլ է Շենոնը։

Տարեց կինը, ով որդեգրել է կատվին, ասել է, որ ուրախ կլինի պահել նրան իր մոտ։