Այս պահին նախադպրոցական և դպրոցական հաստատությունների փակման անհրաժեշտություն չկա․ լոկալ բռնկումը տեղայնացվել է․ ԱՆ

Կարմրուկի գրանցված դեպքերի հետագա տարածումը կանխարգելելու նպատակով իրականացվում են մի շարք միջոցառումներ՝ մասնավորապես, հիվանդների հետ շփված անձանց (կոնտակտավորների) և կասկածելի դեպքերի վաղ հայտնաբերում, նրանց նկատմամբ բժշկական հսկողության սահմանում և համաճարակաբանական ցուցումով պատվաստումների իրականացում։ Ինչպես նաև, հաշվի առնելով ՀՀ-ում կարմրուկի հիվանդությամբ պայմանավորված առկա համաճարակային իրավիճակը՝ առողջապահության և ԿԳՄՍ նախարարությունները նախադպրոցական և հանրակրթական ուսումնական հաստատություններում իրականացնում են «համաճարակային ֆիլտր» միջոցառումը՝ կարմրուկին բնորոշ ախտանշանների՝ մասնավորապես ցանի առկայության դեպքում երեխայի մուտքը հաստատություն բացառելու նպատակով։

Այդ մասին «Փաստինֆո»-ի գրավոր հարցմանն ի պատասխան՝ հայտնել են առողջապահության նախարարությունից՝ շեշտելով, որ այս պահին նախադպրոցական և դպրոցական հաստատությունների փակման անհրաժեշտություն չկա։

«Ձեռնարկված հակահամաճարակային միջոցառումների շնորհիվ լոկալ բռնկումը տեղայնացվել է և ունի մարման միտում»,-փոխանցել են առողջապահության նախարարությունից։

Ինչպես հաղորդել են առողջապահական գերատեսչությունից, 2007թ․-ից Հայաստանում կարմրուկի տեղական դեպքեր չեն արձանագրվում։ Սակայն պարբերաբար գրանցվում են այլ երկրներից բերվող դեպքեր` հիմնականում չպատվաստված կամ թերի պատվաստված անձնանց շրջանում։ 2020-22թթ․ դեպքեր չեն արձանագրվել, 2019թ․ արձանագրվել է 7 դեպք, 2018-ին՝ 19 դեպք, 2017-ին՝ 1 դեպք, 2016-ին՝ 2 դեպք, 2015-ին՝ 33 դեպք։

«ՀՀ-ն 2007 թվականից համարվում է կարմրուկի առումով էլիմինացված կարգավիճակ ունեցող երկիր, ինչը նշանակում է, որ 2007 թվականից ի վեր՝ այդ թվում վերջին 12 ամիսների ընթացքում երկրում կարմրուկի վիրուսի տեղական շրջանառություն չի գրանցվել։ Ներկայիս լոկալ բռնկումը կապված է բերովի դեպքի հետ։Գրանցված բոլոր դեպքերը համաճարակաբանական կապով պայմանավորված են բերովի դեպքի հետ, այսինքն՝ նրանք առանձնակի դեպքեր չեն»,-պարզաբանել են նախարարությունից։

Հարցին, թե չհոսպիտալացված հիվանդներն ինչպես ու որտեղ են մեկուսացվում, ԱՆ-ից պատասխանել են․ «Չհոսպիտալացված հիվանդներին խորհուրդ է տրվում տնային պայմաններում ինքնամեկուսացում՝ սահմանելով ամենօրյա բժշկական հսկողություն»։

«Փաստինֆո»-ին առողջապահական գերատեսչությունից նաև փոխանցել են, որ հոսպիտալացված երեխաները մինչև 16 տարեկան են։

Այս թեմայով Եթե լիներ, կընկալեինք որպես լավ նորություն. ցավոք, այդ փաստաթուղթը այս պահին չկա. Ջուլհակյան Բուհերի խոշորացում լինելու է, բայց այս պահին կոնկրետ բուհերի միավորման հարց չի քննարկվում․ Ժաննա Անդրեասյան «Նիկոլ Փաշինյանի իշխանությունը ոստիկաններ է տարել Բրյուսովի համալսարան». ինչ է կատարվում Այս պահին Հայաստանի սահմաններին կուտակումներ արձանագրված չեն․ Պապիկյան Կարմրուկի լոկալ բռնկման շրջանակից դուրս չենք եկել, վարակվածների մեծ մասը երեխաներ են. Ավանեսյան Այս պահին շփման գծում լուրջ փոխհրաձգության մասին լուրեր չկան․ Աբրահամյան Այս պահին կարմրուկի հաստատված դեպքերի թիվը 18 է, հոսպիտալացվել են 17-ը Գաբրիել Սարգսյանը Եվրոպայի առաջնությունում հաղթեց իսրայելցի մրցակցին, Գաբրիելն այս պահին առաջատարն է ԱՀ-ում մեքենան վարելիս՝ ծխախոտը վառելու պահին, բոցավառում է եղել, վարորդը ջերմային այրվածք է ստացել Արտադպրոցական հաստատությունների մասնագետները կատեստավորվեն, հավելավճար կստանան