«Նախկինների» ճամբարից ՔՊ տեղափոխված Արենիի համայնքապետը պարապուրդի է մատնված

2021 թվականին Արենի համայնքի ղեկավարի պաշտոնում ընտրվեց ՔՊ քվոտայով ընտրություններին մասնակցող Հուսիկ Սահակյանը: Ուշագրավն այն է, որ Հուսիկ Սահակյանը երկար ու ձիգ տարիներ եղել է Ռինդի գյուղապետ, իսկ այդ պաշտոնում գտնվելիս նա ներկայացնում էր այն ժամանակվա իշխող քադաքական ուժը՝ ՀՀԿ-ն: Սահակյանը այնուհետև նույն ՀՀԿ քվոտայով ընտրվել էր Արենիի համայնքապետ:

Փաստացի, բարեհաջող կերպով ճամբարափոխ լինելուց հետո Հուսիկ Սահակայնը շարունակում է նախկին իշխանությունների ձեռագիրը, այն է՝ բավական անպատասխանատու կերպով է վերաբերվում համայնքային բյուջեին: Այդ մասին է վկայում համայնքի գնումների պլանը:

Դիցուք՝ 1500000.000 դրամի գրենական պիտույք է ձեռք բերվել, որից՝ 151000 դրամով ձեռք է բերվել թղթապանակ, 63000 դրամի էլ գրչատուփ: 138000 դրամի ժավել է ձեռք բերվել, 135000 դրամի՝ էլ. տաքացուցիչ, 150000 դրամի՝ քամիչով դույլ, 45000 դրամի՝ աղբաման, 1 միլիոն դրամ հատակցվել է 2022-ին հատուկ նպատակային այլ նյութեր ձեռք բերելու նպատակով, սակայն, հասկանալի չէ, թե այդ նյութերը իրենցից ինչ էին ներկայացնում: 300 հազար դրամով ձեռք է բերվել աթոռ, փոխադրամիջոցների ապահովագրության ծառայության համար հատկացվել է 500000 դրամ: ՏՏ ծառայությունների հետ առնչվող գնումները կազմել են 500000 դրամ, այստեղ էլ հասկանալի չէ, թե այդ ծառայություններն իրենցից ինչ են ներկայացնում: 40000 դրամի էլ խորհրդանշական նվերներ են ձեռք բերվել: 

Իսկ ինչ դրական փոփոխություններ են կատարվել Արենիում այս ընթացքում, ինչ Սահակյանը զբաղեցնում է համայնքապետի պաշտոնը: Արենիի համայնքապետարանի պաշտոնական կայքից տեղեկանում ենք, որ կազմակերպվել է ֆուտբոլի ներհամայնքային մրցաշար, «Կանայք և երիտասարդները նորարար տեղական զարգացման գործընթացներում» ծրագրի շրջանակներում ս/թ մարտի 11-ին և 12-ին Արենի համայնքի Արենի, Արփի, Ելփին, Չիվա և Ռինդ բնակավայրերում տեղի են ունեցել հանդիպում – քննարկումներ «Տեղական ինքնակառավարմանը բնակիչների մասնակցության ֆորմալ գործիքներ» թեմայով։ «Դու մենակ չես» ՀԿ ներկայացուցիչների կողմից կազմակերպվել է հանդիպում-դասընթաց «Ինչ է ընտանեկան բռնությունը և դրա հետևանքները» թեմայով: Բացի այդ, Հուսիկ Սահակյանն ընդունել էր «Սան Թրի» կազմակերպության ներկայացուցիչներին, ովքեր ներկայացնում էին իրենց կողմից իրականացվող «Վերադարձ դեպի արմատներ» ծրագիրը։ Ծրագրի էությունը կանանց ներուժի բացահայտումն ու կիրառումն է համայնքների զարգացման գործում: Ինչպես տեսնում ենք՝ ՀԿ-ները համայնքում շատ ավելի ակտիվ են, քան համայնքապետարանն ու ինքը՝ համայնքապետը: Մինչդեռ ընտրությունների նախաշեմին Արենիի բնակիչներին կայսերական խոստումներ և ինչն էլ ավելի կարևոր է՝ ապագա էին խոստացել..․

Այս թեմայով Ճամբարակի համայնքապետ Վազգեն Ադամյանն ազատ արձակվեց Արարատի համայնքապետ Ասլան Ավետիսյանի գնումներն ու «ձեռքբերումները»՝ ՏԻՄ ընտրություններից հետո Իջևանի ՔՊ-ական համայնքապետ Արթուր Ճաղարյանի ուշագրավ գնումները Արտաշատի համայնքապետ Կառլեն Մկրտչյանի ուշագրավ գնումները Ծաղկեպսակ, կոնյակ, ճաշկերույթ. Էջմիածնի համայնքապետի ուշագրավ գնումները Սիսիանի համայնքապետ Արմեն Հակոբջանյանի ուշագրավ գնումները Բերդի համայնքապետ ընտրվեց «Զորավոր համայնք» դաշինքի թեկնածու Աստղիկ Հակոբյանը Սիսիանի համայնքապետ ընտրվեց ՔՊ-ական Արմեն Հակոբջանյանը Արկադի Թամազյանն ընտրվեց Ալավերդի խոշորացված համայնքի ղեկավար ՈւՂԻՂ. Ալավերդիի նորընտիր ավագանու 1–ին նիստին համայնքապետի պաշտոնում առաջադրվեց Արկադի Թամազյանի թեկնածությունը