Արցախի շրջափակումը հետևանք է նաև Ադրբեջանի կողմից Փառուխի և Քարագլխի բռնազավթման անպատժելիության․ Արտակ Բեգլարյան

Արցախի նախագահի խորհրդական Արտակ Բեգլարյանը հայտարարություն է տարածել․

«Այսօր լրանում է Ադրբեջանի կողմից Փառուխի և Քարագլխի բռնազավթման առաջին տարելիցը։

Դա ալիևյան բռնապետական ռեժիմի հերթական ագրեսիան և հրադադարի խախտումն էր Արցախի դեմ 2020 թվականի նոյեմբերի 9-ի հրադադարի եռակողմ հայտարարության ստորագրումից ի վեր՝ Արցախին պատճառելով մարդկային և տարածքային կորուստներ։

Թեև միջազգային հանրությունը, այդ թվում՝ ռուսական կողմը՝ որպես տարածաշրջանում խաղաղապահ առաքելությամբ պատասխանատվություն ստանձնած կողմ, հստակ կոչ արեց Ադրբեջանին վերադառնալ նոյեմբերի 9-ի եռակողմ հայտարարությամբ սահմանված շփման գիծ, սակայն Ադրբեջանը անտեսեց կոչերը և փոխարենն ամրացրեց իր դիրքերը։ Հետագա ժամանակահատվածում աչք փակելով և լռություն պահպանելով այդ իրավախախտման վերաբերյալ՝ միջազգային հանրությունը, ի վերջո, հերթական անգամ ազդակ է տվել Ադրբեջանին, որ նրանք ազատ են նոր հանցագործություններ կատարելու հարցում։

Գործելով նախորդ հանցագործությունների (հիմնականում 2020թ. պատերազմում մարդկության դեմ հանցագործությունը, այնուհետև՝ Հին Թաղերի ու Խծաբերդի և Պառուխի ու Քարագլխի բռնազավթումները) համար իրեն միջազգայնորեն «շնորհված» անպատժելիության հիման վրա՝ Ալիևի ռեժիմը կատարել է իր հաջորդ հանցագործությունները, այդ թվում՝ օգոստոսյան ագրեսիան Արցախի դեմ, սեպտեմբերյան ագրեսիան Հայաստանի դեմ և այժմ՝ Արցախի 103-օրյա շրջափակումը:

Շրջափակումը դարձել է նրանց «կատարելագործված» մարտավարությունը՝ հիբրիդային պատերազմ և ահաբեկչություն իրականացնելով Արցախի ժողովրդի դեմ։

Այսպիսով, օրինաչափությունը պարզ է. Ալիևն իր հանցագործություններով փորձարկում է միջազգային հանրության արձագանքը, դիմակայում է իր հանդեպ քննադատություններին, մի որոշ ժամանակ լռում է, ապա՝ գործում ավելի ագրեսիվ հանցագործություն՝ ևս մեկ անգամ ստուգելու կարմիր գծերն ու արձագանքները և հերթական անգամ դիմակայելու միջազգային հնարավոր կոշտ արձագանքներին։

Քանի դեռ ալիևյան ռեժիմը թանկ չի վճարել հանցագործությունների կատարման և կարմիր գծերի հատման համար, նրանք երբեք կանգ չեն առնի և կձգտեն քայլ առ քայլ իրագործել իրենց վերջնական նպատակը՝ ցեղասպանությունը։ Այսպիսով, կանգնեցրե՛ք Ալիևին իր հանցավոր երթում, այլապես մի օր նա և իր «կնքահայր» Էրդողանը կխժռեն նաև ձեզ...»։ 

Այս թեմայով Մեր փրկությունը մեր ուժի մեջ է, իսկ ուժը՝ կամքի, համարձակության ու գաղափարականության. Արտակ Բեգլարյան Նիկոլի իշխանության հիմնական թիրախը Սերժ Սարգսյանն է․ Արտակ Զաքարյան «Եթե Շարմազանով-42 գրելով կխուսափեինք Արամ-18 կամ Արտակ-19-ից՝ ջհանդամը, թե մեր լենտերը չէիք փակցնի» «Գեմատոմաներ են առաջացել»․ փաստաբանը «Նուբարաշեն» ՔԿՀ-ում այցելել է Արտակ Գալստյանին (տեսանյութ) Արժե միանալ արցախցի երիտասարդների՝ «Ո՛Չ Արցախի էթնիկ զտմանը» շարժման ստորագրահավաքին․ Բեգլարյան Սարքերով ցավ պատճառելու սադիստական գործողություններ՝ Արտակ Գալստյանի հանդեպ (տեսանյութ) Արտակ Գալստյանին քննչական կոմիտեում 7-8 հոգով ծեծել են՝ ֆիզիկական ներգործություն, հարվածներ, կտտանքներ սարքերի միջոցով․ փաստաբան․ Tert.am Արտակ Գալստյանի հանցագործության մասին հայտարարությունը կարդալիս տպավորություն է, թե դա կատարվել է Մոզանբիկում. փաստաբան (տեսանյութ) Ադրբեջանի մեղադրանքներից զգացվում է, որ փորձում են լրացուցիչ առիթներ ստեղծել նոր սադրանքների համար․ Բեգլարյան Այսքանից հետո ո՞վ կարող է հավատալ նման բռնապետին, որ որևէ նկրտում չունի այլ պետությունների ու ժողովուրդների հանդեպ