«Հրազդան» մարզադաշտին կից տարածքում մարմնամարզության նոր դպրոց կկառուցվի

«Հրազդան» մարզադաշտին կից տարածքում մարմնամարզության նոր մարզադպրոց կկառուցվի։ Գործադիրի այսօրվա նիստում այդ մասին հայտարարեց ՏԿԵ նախարար Գնել Սանոսյանը։

Նախարարը պարզաբանեց, որ նման որոշման անհրաժեշտությունը ծագել է այն բանից հետո, երբ 2019թ-ին կառավարությունը որոշել է վերանորոգել Ալբերտ Ազարյանի անվան օլիմպիական հերթափոխի մանկապատանեկան մարմնամարզության մարզադպրոցի շենքը։
«Ուսումնասիրությունների արդյունքում պարզվել է, որ 1960-ական թվականներին կառուցված շենքը ժամանակակից մարզադպրոցների նորմերին չի համապատասխանում և անհրաժեշտ է իրականացնել շինության վերակառուցում, ուժեղացում, սեյսմազինվածության բարձրացում, որի համար կպահանջվեն զգալի ֆինանսական միջոցներ: Փոխարենը նպատակահարմար է գտնվել այլ հողամասում կառուցել ժամանակակից պայմաններին և տեխնիկական պահանջներին համապատասխանող նոր մարզադպրոց, որի համար էլ առաջարկվել է Հրազդանի կիրճ հ.4 հասցեում գտնվող գույքից առանձնացվող 15509.0քմ մակերեսով հողամաս, որը սեփականության իրավունքով պատկանում է «Հրազդան մարզահամալիր» փակ բաժնետիրական ընկերությանը»,-մանրամասնեց Սանոսյանը։

Նախարարը նաև հայտնեց, որ մրցույթն արդեն անցկացվել է, նախագծող ընկերությունը հայտնի էև առաջիկայում կմեկնարկեն մարզադպրոցի նախագծման և կառուցման աշխատանքները։

Նախարարը նաև նշեց, որ «Հրազդան» մարզադաշտի հարևանությամբ գտնվող այդ տարածքում արդեն իսկ մի շարք մարզական օբյեկտներ կան։

«Մարզադպրոցը կհամալրի դրանք։ Այն ունենալու է մեծ դահլիճներ, ստորգետնյա ավտոկայանատեղի, գեղարվեստական մարմնամարզության և սպորտային ակրոբատիկայի համար նախատեսված դահլիճներ, սանհանգույցներ, հանդերձարաններ։ Այսինքն` համապատասխանելու է բոլոր չափորոշիչներին` և՛ մարզումների, և՛ միջազգային մրցույթների կազմակերպման համար»,- ասաց Սանոսյանը։

Այս թեմայով Ես Նիկոլն եմ, Աչաջուրից բայց Փաշինյան չեմ. չեմ ուզում, որ դպրոց գնալիս թուրք տեսնենք (տեսանյութ) Այսօր Ոսկեպար գյուղի տարածքում զոհված ոստիկանների 33-րդ տարելիցի օրն է ՀՀ տարածքում կան փակ ավտոճանապարհներ «Պարելու ժամանակ ձեռքը սրտի կողմը տարավ ու ընկավ»․ դպրոցի տնօրենը՝ 13-ամյա աղջկա մահվան մասին. Iravaban ՌԴ օդային տարածքում 12 ԱԹՍ է ոչնչացվել Թուրքը իր ողջ ներուժով թելադրում է օրակարգ մեր երկրի տնտեսական տարածքում. Ավետիսյան (տեսանյութ) Երբ մտնում ես դպրոց, "Слово пацана" սերիալի սլենգով են աշակերտները խոսում, նրա հերոսների նման. ՀՌՀ Համաշխարհային առևտրի կենտրոն կկառուցվի. Գևորգ Պապոյանը և Էդուարդ Մարությանը պայմանագիր են ստորագրել Թաիլանդում կկառուցվի աշխարհի ամենաբարձր շենքը Ալբերտ Ազարյանի անվան մարզադպրոցի նախագիծը պատրաստ է. այն կկառուցվի 2 տարում