Ով է ստում հանրությանը. Անդրանիկ Քոչարյանը «մերկացրեց» Փաշինյանի մանիպուլյատիվ պնդումները
Аналитический
Եթե ադրբեջանական կողմը կրակ է բացում, հայկական կողմն էլ է պատասխան կրակ բացում, որն առաջ չկար։ Այս մասին այսօր՝ ապրիլի 25-ին, ԱԺ–ում լրագրողների հետ ճեպազրույցում ասաց ԱԺ պաշտպանության հանձնաժողովի նախագահ Անդրանիկ Քոչարյանը՝ անդրադառնալով Գեղարքունիքում հակառակորդի կրակոցների դեպքերին։
«Ամենակարևոր բանը եկեք արձանագրենք՝ էն, ինչ որ մերն ա՝ մերն ա։ Եթե կրակեն՝ մենք կրակելու ենք, առաջ իրանք կրակում էին, մենք չէինք կրակում, պատերազմից հետո։ Իրենք գալիս էին, մենք լքում էինք տեղերը։ Էսօր եթե իրենք կրակում են, տեսնում եք՝ կրակում ենք»,- ասել է Քոչարյանը լրագրողների հետ զրույցում:
Անդրանիկ Քոչարյանի ասածից հասկացվում է, որ այն ժամանակ կար չկրակելու հրաման: Մինչդեռ ամիսներ առաջ ԱԺ ամբիոնից Նիկոլ Փաշինյանը հայտարարում էր, որ չկրակելու հրաման ինքը չի տվել և դա ընդհանրապես հավասարազոր է պետական դավաճանությանը:
Միևնույն ժամանակ, ինքը՝ Փաշինյանը, հայտարարում էր, որ ՀՀ սուվերեն տարածքը ոչ մի փոփոխության չի ենթարկվել:
Ի՞նչ է ստացվում՝ կամ Անդրանիկ Քոչարյանն է ակամայից մերկացնում Նիկոլ Փաշինյանի՝ ժամանակին արված մանիպուլյատիվ պնդումներն ու հայտարարությունները, կամ Քոչարյանն ինքն է խեղաթյուրում իրականությունը: Ամեն դեպքում, ակնհայտ է, որ երկու ՔՊ-ականների հայտարարությունները, մեղմ ասած, չեն համընկնում և նրանցից առնվազն մեկը հասարակության հետ լիարժեք կերպով անկեղծ չէ:
Самое популярное 
Архиепископ Баграт Галстанян: Шествие движется по графику, задача - создать широкую общественную консолидацию
