Արտակ Գալստյանին քննչական կոմիտեում 7-8 հոգով ծեծել են՝ ֆիզիկական ներգործություն, հարվածներ, կտտանքներ սարքերի միջոցով․ փաստաբան․ Tert.am

Право 28 Апрель, 2023 22:39

«Հանրային ձայն» կուսակցության համանախագահ Արտակ Գալստյանը, որը կալանավորված է շորթում կատարելու մեղադրանքով, խոշտանգվել է։ Այս մասին իր ֆեյսբուքյան էջում գրել է իրավապաշտպան, «Իրավական ուղի» ՀԿ համահիմնադիր Ռուբեն Մելիքյանը։

«Փաստաբան Արսեն Մկրտչյանից տեղեկացել եմ կալանավորված մեղադրյալ Արտակ Գալստյանի նկատմամբ ՀՀ քննչական կոմիտեում վերջին օրերին տեղի ունեցած խոշտանգման փաստերի մասին։
Փաստաբանի հայտնած տեղեկությունները գնահատում եմ արժանահավատ՝ թե՛ կոնկրետացվածության, թե՛ անուղղակի ապացույցների առկայության (circumstantial evidence) և թե՛ աղբյուրի հավաստիության տեսակետից։

Խոշտանգման արգելքը կրում է բացարձակ բնույթ, և այդ արգելքի ոտնահարումը սկզբունքորեն անհամատեղելի է ժողովրդավարության գաղափարի հետ ինքնին։ Ուստի նման երևույթների մասին արժանահավատ տեղեկությունները պետք է արժանանան պատշաճ ուշադրության՝ կա՛մ հիմնավոր հերքվեն, կա՛մ հաստատվելով պատժվեն, որպեսզի անպատժելիությունը չհանգեցնի այդ անմարդկային երևույթի տարածման։ Որպեսզի «արյան հոտը» իրավապահ մարմիններում չդառնա սովորական։

Չպատժված խոշտանգման հաջորդ զոհը կարող է դառնալ յուրաքանչյուրս։ Այդ թվում հենց դու՛»,- գրել է նա։

Tert.am-ի հետ զրույցում փաստաբան Արսեն Մկրտչյանն ասաց, որ Արտակ Գալստյանը ծեծի է ենթարկվել Երևան քաղաքի քննչական վարչությունում։ «7-8 հոգով ծեծել են՝ ֆիզիկական ներգործություն, հարվածներ, կտտանքներ սարքերի միջոցով։ Փաստացիորեն պաշտոնանար անձանց կողմից կազմակերպված անօգնական վիճակի մեջ են դրել, հարցածենր են հասցրել, որի հետևանքներն անձամբ տեսել եմ։ Աչքի հատվածում, մարմնի վրա այտուցներ կապտուկներ կան։ Տեսանելի է ծանր վիճակը»,- ասաց փաստաբանը։

Մանրամասները՝ սկզբնաղբյուր կայքում։