Ամենածախսող ՔՊ-ական պաշտոնյաների թոփ 10-յակը

Аналитический 27 Май, 2023 22:00

Կոռուպցիայի դեմ պայքարի հանձնաժողովի համեմատաբար վերջին նորամուծություններից մեկն էլ այն էր, որ պաշտոնյաները եկամուտների հայտարարագրերի հետ մեկտեղ պարտավորվում էին ներկայացնել նաև ծախսերի հայտարարագրերը: Այստեղ ևս անչափ ուշագրավ դրվագներ կան, որոնք էլ ցանկանում ենք ներկայացնել ընթերցողի ուշադրությանը:

Դիցուք՝ ՔՊ-ական պատգամավոր Արմեն Խաչատրյանը հայտարարագրել է 50 հազար ԱՄՆ դոլարի ծախս, սակայն չի բարեհաճել նշել, թե այդ ինչ ճոխ ծախս է և ինչին է ուղղվել։

ՊՎԾ պետ Ռոմանոս Պետրոսյանի 2019 թվականի հայտարարագրում նշվում է 35,000,000.00 չափով ստացած վարկը, որի մարմանն ուղղված գումարները պետք է դիտարկվեին որպես ծախս և հայտարարագրվեին, սակայն ոչ 2020 թվականի, ոչ էլ 2021 թվականի հայտարարագրերում այդ մասին չի հիշատակվում։

Արսեն Թորոսյանը, մասնավորապես, նշել է 17,750,000.00 ՀՀ դրամի հասնող ծախս, ծախսի տեսակն էլ՝ 2 մլն ՀՀ դրամը կամ դրան համարժեք արտարժույթը գերազանցող այլ միանվագ ծախսեր:

Ջերմուկի համայնքապետ Վահագն Արսենյանի ծախսերի հայտարարագիրը նույնպես անչափ ուշագրավ է: Ահա այն․

Երևանի նախկին քաղաքապետ Հրաչյա Սարգսյանի կատարված ծախսերը կազմել են 1,785,590.00 ՀՀ դրամ․ այդ գումարը ուղղվել է վարկի մարմանը:

ՊԵԿ նախագահ Ռուստամ Բադասյանի ծախսերը, ընդհանուր առմամբ, կազմել են 13,671,120.00 դրամ․ այդ գումարը ուղղվել է անշարժ գույքի վերանորոգմանն ու վարկի մարմանը:

Իմքայլական պատգամավոր Գուրգեն Արսենյանը ծախսել է 25,000,000.00 դրամ: Այդ գումարը իր մեջ ներառում է հանգստի համար կատարած ճանապարհածախսը, նվիրատվության կամ օգնության կարգով տրված գույք, որի միանվագ արժեքը հաշվետու ժամանակահատվածում գերազանցում է 2 միլիոն ՀՀ դրամը կամ դրան համարժեք արտարժույթը (ի դեպ, այդ գումարը կազմում է 48,000.00 ԱՄՆ դոլար), և անշարժ գույքի վերանորոգման համար կատարված ծախսերը:

Վարչապետի աշխատակազմի ղեկավարի տեղակալ Բագրատ Բադալյանը հայտարարագրել է 13,260,000.00 դրամի ծախս և այդ գումարը ուղղվել է հանգստի կազմակերպմանն ու անշարժ գույքի վերանորոգմանը:

Սասուն Խաչատրյանը ծախսել է 6,000,000.00 դրամ և այդ գումարը ուղղվել է անշարժ գույքի վերանորոգմանը:

Պատգամավոր Զարուհի Բաթոյանը ծախսել է 965,000.00 դրամ և այդ գումարը ուղղվել է շարժական կամ անշարժ գույքի վարձակալությանը: