Ով առաջարկի հանձնել Արցախը, նրա անունը պետք է ներառվի Հայոց ցեղասպանության կազմակերպիչների ցուցակում. Սեմյոն Բաղդասարով

Լեռնային Ղարաբաղի հանձնումը կհանգեցնի հայ ժողովրդի ոչնչացմանը այս տարածքում։ Այս մասին ALpha News-ին տված հարցազրույցում ասել է Մերձավոր Արևելքի ուսումնասիրության կենտրոնի տնօրեն, քաղաքագետ Սեմյոն Բաղդասարովը։

«Ինչ վերաբերում է Հայաստանի ղեկավարությանը, ով առաջարկի հանձնել Լեռնային Ղարաբաղը, նրա անունը պետք է ներառվի հայ ժողովրդի ցեղասպանության կազմակերպիչների ցուցակում։
Ինչ վերաբերում է Ռուսաստանին, ապա Հարավային Կովկասի կորուստը և ՆԱՏՕ-ի հենակետի ստեղծումը իբր «Զանգեզուրի միջանցքի» տեսքով, որն Իրանը իրավամբ անվանում է ՆԱՏՕ-ական, կհանգեցնի հարավում հակառուսական տրամադրությունների ի հայտ գալուն և ամրապնդմանը։

«Սա Հյուսիսային Կովկասի սահմանն է, սա Սև ծովն է։ Սա հսկայական աշխարհաքաղաքական սպառնալիք է Ռուսաստանի համար, և ոչ բոլորն են դա հասկանում։ Ես մտավախություն ունեմ, որ արդեն ուշ է, և վերադառնալու տեղ չի լինի, իսկ Գյումրիում բազայի, Էրեբունիում ավիաբազայի առկայությունը ոչ մի առավելություն չի տալիս։ Ցանկացած պահի դա կարող է չեղյալ համարել նույն Հայաստանի ղեկավարությունը, որն ակնհայտորեն վեկտորը տանում է դեպի Արևմուտք»,- հավելել է Բաղդասարովը։

Նա համոզմունք է հայտնել, որ Արևմուտքը, այդ թվում՝ Ֆրանսիան, երբեք չի օգնի Հայաստանին, քանի որ Թուրքիան ՆԱՏՕ-ի դաշնակիցն է։

Փորձագետը հիշեցրել է, որ Ֆրանսիայում հայանպաստ բազմաթիվ որոշումներ են կայացվում, որոնք, սակայն, չեն իրականացվում։

Նա կրկնեց, որ Թուրքիան չափազանց կարևոր աշխարհագրական դիրք է զբաղեցնում, որոշակի ազդեցության հնարավորություններ ունի Մերձավոր Արևելքում և այլ տարածաշրջաններում, և փոքրիկ Հայաստանը որևէ մեկին չի հետաքրքրում։

Մանրամասն՝ տեսանյութում։

По теме Формула развития Армении с новой командой и с инновационными подходами. Артак Товмасян Артак Товмасян. Господа, пришло время пробуждения, объединитесь, действуйте ради государства!