ՔՊ-ականները «ծաղրում» են թիմակցի «մտքի գոհարները»
Аналитический
Ամիսներ առաջ ՔՊ-ական պատգամավոր էդուարդ Աղաջանյանն արել էր մի հայտարարություն, որը, մեղմ ասած, հումորի իրական առարկա էր դարձել հայաստանյան սոցիալական ցանցերի տիրույթում: Նա, մասնավորապես, նշել էր, որ հայկական միջին վիճակագրական ոչ մի խնջույք չի անցնում առանց թմրամիջոց օգտագործելու: Իհարկե, հասկանալի է, որ դա, մեղմ ասած, այդպես չէ, գուցե նաև պատգամավորն է այլ իմաստ դրել իր արած հայտարարության մեջ, սակայն ստացվել է այն, ինչ ստացվել է:
Դրանից հետո լրագրողները տարբեր պաշտոնյաների հարցուփորձ են անում՝ արդյոք վերջիններս միջին վիճակագրական խնջույքի ընթացքում օգտագործում են թմրամիջոց, թե ոչ: Ուշագրավ է, որ պաշտոնյաները չեն էլ թաքցնում, թե որքան զավեշտալի է հնչում այս հարցը, պատասխաններն էլ սովորաբար հումորով են:
Օրինակ, այսօր նմանատիպ հարց էին ուղղել Սյունիքի մարզպետի Ռոբերտ Ղուկասյանին, վերջինիս քմծիծաղը, կարծես թե, ավելի խոսուն է, քան բուն պատասխանը։
Վայոց Ձորի մարզպետ Արարատ Գրիգորյանը սկզբում զարմացավ, այնուհետև զայրացավ, իսկ դրանից հետո էլ առաջարկեց հարցը ուղղել հենց այդ մտքի գոհարի հեղինակին, թերևս նկատի ունենալով, որ եթե մի բան ասում է, ուրեմն ավելի լավատեղյակ է: Սակայն, ուշագրավ էր մարզպետի անկեղծացումը, որ անգամ չի էլ լսել Աղաջանյանի այդ հարցազրույցը։
Самое популярное 
На первом армяно-казахстанском экспертном круглом столе был подписан меморандум о сотрудничестве (фото)
