Պետպատվերի համար նախատեսված միլիարդները փոշիացվե՞լ են

Հայաստանում ստեղծվել  է մի իրավիճակ, երբ պետական պատվերից օգտվելու իրավունք ունեցող հիվանդների հերթերը բժշկական հաստատություններում հասել են մինչև 2024 թվական և հիվանդները ագրեսիվ վերաբերմունք են ցուցաբերում բուժաշխատողների հանդեպ, քանի որ նրանցից են լսում «պետպատվերը վերջացել է» արտահայտությունը:

Ուշագրավն այն է, որ առողջապահության նախարարությունը հավաստիացնում է՝ պետպատվերը չի սպառվել, այս դեպքում ո՞ւմ հավատալ՝ նախարարությանը, թե՞ փաստի առջև կանգնած քաղաքացիներին:

Ընդամենը մեկ տարի առաջ առողջապահության նախարարը արդարանալու հիմնավոր առիթ ուներ՝ քովիդը:  Նա իրավացիորեն նշում էր, որ քովիդով պայմանավորված, խրոնիկ հիվանդությունների սրման դեպքերն ավելացել են, հետևաբար պլանային վիրահատությունների ու որոշ հետազոտությունների կարիք ունեցող քաղաքացիներին հիվանդանոցները պետք է հերթագրեն։

Ավանեսյանը խորհրդարանում նույնիսկ հայտարարել էր, որ որոշ ուղղություններով կառավարությունն արդեն գումարներ է ավելացրել։ «Ուռուցքաբանության մասով ունենք համալրում, և պետությունը լրացուցիչ 550 միլիոն դրամ հատկացրել է, որպեսզի մեր քաղաքացիները հանգիստ կերպով ստանան իրենց անհրաժեշտ բժշկական օգնությունը։ Լրացուցիչ հատկացվել է նաև 2 միլիարդ դրամ՝ զինծառայողների և նրանց ընտանիքի անդամների բժշկական օգնության տրամադրման մասով», - ասաց նախարարը՝ շարունակելով․ - «Կառավարությունը՝ ուշադիր հետևելով դիմելիության աճին, հոսպիտալացման օբյեկտիվությանը, անելով վերլուծություններ, մոնիթորինգներ, մի կողմից զսպում է բյուջետային կարգապահության շրջանակներում իրականացվող ծառայությունները, բայց մյուս կողմից էլ բոլոր անհրաժեշտ դեպքերում հատկացնում է լրացուցիչ միջոցներ, որպեսզի այն լայնածավալ ծրագրերը, որոնք որ մեկնարկել են 2018 թվականից հետո, պատշաճ կերպով բավարարվեն»։

Չնայած առողջապահության նախարար Անահիտ Ավանեսյանի այս պնդումներին՝ հիվանդները որոշ հիվանդանոցներից այլ բան են լսում, հետևաբար հարց է առաջանում՝ իսկ արդյո՞ք չեն փոշիացվել պեպատվերի համար նախատեսված միլիարդավոր դրամները: Գուցե հաշվեքննիչ պալատը նաև այստեղ ուսումնասիրություն անելու հիմքեր տեսնի և արդյունքում Անահիտ Ավանեսյանի համար անչափ տհաճ հանգամանքներ բացահայտի...

Այս թեմայով Այս պահին 4-րդ թռիչքն է իրականացվում` ՀՀ առողջապահության նախարարության և ռուս խաղաղապահների ուղղեկցությամբ՝ տարհանելու պայթունից տուժածներին Առողջապահության նախարարը տեսակցել է ԼՂ-ից տեղափոխված 13-ամյա տղային․ վիճակը կայուն ծանր է Էկոնոմիկայի նախարարությունը հերքում է Ադրբեջանի հետ առևտուր սկսելը քննարկելու լուրերը ՊՎԾ-ն ամփոփել է առողջապահության ոլորտում իրականացված մշտադիտարկումների արդյունքները «Հրապարակ». Ոստիկանությունը 11 մլն դրամ է փոխանցել առողջապահության նախարարությանը Փաշինյանի որոշմամբ՝ Արմեն Գասպարյանը նշանակվել է առողջապահության փոխնախարար Վթարից տուժածներին տեսակցել է առողջապահության նախարարի տեղակալը Քննարկվել են բռնի տեղահանվածներին բնակարանային ապահովության աջակցության ծրագրերին վերաբերող հարցեր Ծաղիկ Վարդանյանը վերականգնվել է իր պաշտոնում․ առողջապահության նախարարը հրաման է ստորագրել Խնդրում ենք բանկում պահվող դրամական միջոցները կանխիկացնել ըստ անհրաժեշտության․ ԱՀ ՖԷ նախարարություն