Նոր Գեղի-Նոր Արտամետ ավտոճանապարհին բախվել են Opel եւ Volkswagen մակնիշների ավտոմեքենաները. տուժածները հոսպիտալացվել են

Հուլիսի 22-ին, ժամը 19:12-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Նոր Արտամետ գյուղի համայնքապետարանի մոտակայքում տեղի է ունեցել ՃՏՊ՝ բախվել է երկու ավտոմեքենա, կան տուժածներ․ անհրաժեշտ է փրկարարների օգնությունը։ Հայտնում են ՆԳՆ փրկարար ծառայությունից:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Նոր Գեղի-Նոր Արտամետ ավտոճանապարհի 2-րդ կմ-ին բախվել են «Opel» (վարորդ՝ Ն․ Վ․, ծնված 1986 թ.) և «Volkswagen» (վարորդ՝ Ս․ Ա․, ծնված 1993 թ.) մակնիշների ավտոմեքենաները։ Վերջինս այնուհետև բախվել է էլեկտրական սյանը, իսկ «Opel» մակնիշի ավտոմեքենան՝ գազատար խողովակին:

Մինչ փրկարարների կանչի վայր հասնելը՝ «Opel» մակնիշի ավտոմեքենայի վարորդը և ուղևոր Ս․ Վ․-ն (ծնված 1961 թ.) տեղի ուժերով դուրս են բերվել ավտոմեքենայից։ Տուժածները հոսպիտալացվել են Աբովյանի ԲԿ, որտեղ բժիշկները նրանց առողջական վիճակը գնահատել են միջին ծանրության:

Փրկարարները հոսանքազրկել են ավտոմեքենաները և փակել գազի բալոնների փականները:

По теме На дороге Спитак-Гюмри «Opel» упал в овраг