Մարդու իրավունքների պաշտպանն ամփոփել է 2023 թվականի ամառային զորակոչով ստացած բողոքները

Մարդու իրավուքների պաշտպանի աշխատակազմի մասնագիտացված ստորաբաժանումը՝ Զինծառայողների և նրանց ընտանիքների անդամների իրավունքների պաշտպանության բաժինը, շուրջօրյա ռեժիմով հետևել է 2023 թվականի ամառային զորակոչի ընթացքում քաղաքացիների իրավունքների վիճակին:

Նշված ժամանակահատվածում զորակոչիկների և նրանց ծնողների կողմից Պաշտպանի աշխատակազմ ստացվել է 64 գրավոր և բանավոր բողոք: Դրանք հիմնականում վերաբերել են բժշկական հետազոտություններին և առողջական վիճակի վերաբերյալ փորձաքննություններին, ընտանեկան պայմանների հիմքով և նշանակալի նվաճումների համար տարկետում տրամադրելուն, ինչպես նաև այլ հարցերին:

Գրավոր ընթացակարգով քննարկվել է 25 բողոք, 7-ի դեպքում իրականացվել է արագ արձագանքում, ևս 32 քաղաքացու հարցի լուծմանը Պաշտպանի աշխատակազմը նպաստել է խորհրդատվության միջոցով։

Զորակոչի փուլում աշխատանքային կարգով ամենօրյա կապ է պահպանվել ՊՆ մարդու իրավունքների և բարեվարքության կենտրոնի, Զորակոչային և զորահավաքային համալրման ծառայության մի շարք ստորաբաժանումների (զինկոմիսարիատների), բժշկական և ռազմաբժշկական հանձնաժողովների հետ: Քաղաքացիների բարձրացրած հարցերի առնչությամբ  պարզաբանումների պահանջով ու առաջարկություններով գրություններ են հասցեագրվել ՀՀ պաշտպանության նախարարություն, արագ արձագանքումներով քննարկումներ են անցկացվել զինկոմիսարիատների, Կենտրոնական բժշկական հանձնաժողովի, ՊՆ իրավասու ստորաբաժանումների հետ:

Արդյունքում, բժշկական հետազոտություններ անցնելու նպատակով զորակոչիկներին տրամադրվել են ուղեգրեր, նշանակվել կրկնակի փորձաքննություններ:

Պաշտպանն այցելել է ՊՆ կենտրոնական հավաքակայան, տեղում հետևել զորակոչի գործընթացին. արձանագրված խնդիրները հասցեագրվել են իրավասու գերատեսչություններ: Մարդու իրավունքների պաշտպանի միջամտությամբ և Պաշտպանության նախարարության հետ համագործակցությամբ մի շարք զորակոչիկներ կրկին ներկայացվել են Կենտրոնական բժշկական հանձնաժողովի փորձաքննությանը, քաղաքացիներին տրամադրվել են տարկետումներ, առողջական վիճակի պատճառով ազատվել են պարտադիր զինվորական ծառայությունից կամ ճանաչվել են սահմանափակումով պիտանի զինվորական ծառայության համար և այլն:  

2023 թվականի ամառային զորակոչի վերաբերյալ աշխատակազմում շարունակվում են ստացվել բողոքներ: Պաշտպան Անահիտ Մանասյանը բարձր է գնահատում զորակոչի ընթացքում Պաշտպանության նախարարության հետ համատեղ աշխատանքը, որի արդյունքում լուծվել են մի շարք խնդիրներ կամ դրա համար հիմքեր են ստեղծվել։

Զինծառայողների և նրանց ընտանիքների անդամների իրավունքներին առնչվող հարցերով (այդ թվում՝ զորակոչ, վարժական հավաք և այլն) Պաշտպանին կարելի է դիմել ԹԵԺ ԳԻԾ 116 կամ 096116100 շուրջօրյա հեռախոսահամարներով:

Related Articles US plans to impose sanctions on Azerbaijan for military aggression against Karabakh in 2023 Why it is recommended to download applications on trusted platforms: In 2023, Google rejected publication of more than 2 million dangerous applications on Google Play Global military spending in 2023 surges amid war, rising tensions and insecurity – SIPRI report Armenia Security Council 2023 activity report is presented to premier 817 people seek asylum in Armenia in 2023 Human Rights Defender's office published 2023 annual report and annual activity report of national preventive mechanism In 2023, the SME Loan Portfolio of Ameriabank Reported More Than 30% Growth 7,825 Karabakh residents who left Armenia since September 2023 have not returned, new data say In 2023, Armenia-EU political dialogue deepened significantly- Deputy Foreign Minister summarizes the year Mirzoyan: Unprecedented number of senior French officials visited Armenia in 2023