Համահայկական 8-րդ խաղերը լավագույնս կազմակերպելու համար Արայիկ Հարությունյանը պարգևատրվել է «Պատվո նշան» բարձրագույն շքանշանով

Վարչապետի աշխատակազմի ղեկավար, Համահայկական ամառային ութերորդ խաղերի կազմակերպման և անցկացման կազմկոմիտեի նախագահ Արայիկ Հարությունյանն այսօր Գյումրու քաղաքային մարզադաշտում ներկա է գտնվել Համահայկական ամառային ութերորդ խաղերի բացման արարողությանը: Հայտնում են կառավարության լրատվական ծառայությունից:

Արայիկ Հարությունյանը հանդես է եկել ողջույնի խոսքով, որում, մասնավորապես, նշել է.

«Հայաստանի Հանրապետության մեծարգո վարչապետ,

Մեծարգո նախագահ,

Ազգային ժողովի մեծարգո նախագահ,

Կառավարության հարգելի անդամներ,

Համահայկական խաղերի գործկոմի անդամներ,

Համահայկական խաղերի սիրելի մասնակիցներ,

Ողջունում եմ բոլորիդ:

Մի քանի ամիս առաջ ստեղծված կառավարական հանձնաժողովն այս ընթացքում որևէ ջանք չի խնայել, որպեսզի Համահայկական խաղերը լինեն իրենց պատմության ընթացքում լավագույնը: Կարծում եմ, որ առաջին իսկ օրվանից մեր կողմից դրված բարձր նշաձողը մենք կարողացել ենք պահել, պահելու ենք և օգոստոսի 19-ին ազդարարելու ենք, որ մեր հայրենակիցները, որոնք այստեղ էին, հաճույք ստացան Համահայկական խաղերից, սիրեցին Հայաստանի Հանրապետությունը և հանձն առան վերադառնալ ու վերադառնալ Հայրենիք:

Սիրելի հայրենակիցներ,

Սիրելի մասնակիցներ,

Ինչպես ասում է Համահայկական խաղերի օրհներգը՝ ձեր ցավը տանեմ:

Շնորհակալություն»:

Համահայկական խաղերի համաշխարհային կոմիտեի գործադիր մարմնի որոշմամբ, Համահայկական ամառային ութերորդ խաղերը լավագույնս կազմակերպելու, համակարգելու և օժանդակելու համար Վարչապետի աշխատակազմի ղեկավար, Համահայկական ամառային ութերորդ խաղերի կազմակերպման և անցկացման կազմկոմիտեի նախագահ Արայիկ Հարությունյանը պարգևատրվել է Համահայկական խաղերի համաշխարհային կոմիտեի «Պատվո նշան» բարձրագույն շքանշանով: Արայիկ Հարությունյանին պարգևը հանձնել է Համահայկական խաղերի համաշխարհային կոմիտեի նախագահ Իշխան Զաքարյանը:

Համահայկական ամառային ութերորդ խաղերի ծրագրում ընդգրկված 17 մարզաձևերի համար խաղարկվելու է 107 հավաքածու մեդալ: Խաղերին մասնակցում է 41 պետությունների, 181 քաղաքների 7000-ից ավելի մարզիկ:

Այս թեմայով Թող էդ ասողները գնան, թուրքի հետ ապրեն, առևտուր անեն, տղերքը սաղ լինեն, կպայքարենք մեր հողի համար. Լենիկ տատ Արմենը հանգիստ է իր համար, իր ընտանիքի համար, նա անհանգիստ է միայն իր երկրի համար․ Աշոտյանի փաստաբան Հնդկաստանը Հայաստանի համար արդիականացրել է ATAGS հրետանային համակարգը 44-օրյա պատերազմը ամենալուրջ դասն էր ինձ համար․ գլխավոր դատախազ Արմեն Դանիելյանը միակ թեկնածուն է՝ ԲԴԽ անդամ ընտրվելու համար Վեհափառը շնորհակալություն է հայտնել Իրանի իշխանությանը Հայաստանին ցուցաբերվող զորակցության համար Փաշինյանի դեմ հանցագործության մասին հաղորդման փաստաթղթերը ստուգման համար ուղարկել ենք ԱԱԾ. դատախազ Պատերազմի մասնակցին կալանավորել են ժողովրդի մեջ մխրճվող ԵԿՄ մեքենային բռունցքով հարվածելու համար. Մինասյան (տեսանյութ) Կառավարությունը գումար է հատկացրել մարզերում առաջնահերթ լուծում պահանջող, անհետաձգելի համարվող ծրագրեր իրականացնելու համար Մակրոնը երկու պայման է նշել ֆրանսիացի զինվորականներին Ուկրաինա ուղարկելու համար