Բիլ Գեյթսը խոստովանել է, որ ատում է քունը
Другое
Ամերիկացի միլիարդատեր Բիլ Գեյթսը խոստովանել է, որ գիտակցաբար ավելի քիչ է քնել իր հիմնադրած Microsoft կորպորացիայում աշխատելու ժամանակ, քանի որ դա համարում էր ծուլության նշան։ Այս մասին նա խոսել է Unconfuse Me փոդքասթի նոր դրվագում։
Գործարարի խոսքով՝ նախկինում ինքը մրցում էր Microsoft-ում իր գործընկերների հետ, թե ով ամեն օր ամենաքիչը կքնի։ Միլիարդատերը հիշել է, որ 40 տարեկանում փորձել է քնել վեց ժամից պակաս, իսկ որոշ օրերին անընդմեջ մինչև 96 ժամ անցկացրել է առանց քնի։
Միևնույն ժամանակ, նրա գործընկերները պնդում էին, որ քնում են հինգ ժամ կամ ավելի քիչ, իսկ ոմանք բացահայտորեն նշում էին, որ որոշ օրեր ընդհանրապես անքուն են մնում:
«Եվ հետո ես սկսեցի մտածել, որ ես նույնպես պետք է ամեն ինչ անեմ, որպեսզի ավելի քիչ քնեմ, քանի որ քունը ծուլության նշան է և ժամանակի վատնում», - ասել է Գեյթսը:
Այդ ժամանակվանից միլիարդատերը փոխել է իր կարծիքը քնի մասին և սկսել է հետևել իր ամենօրյա քնի ցուցանիշը խելացի ապարանջանի միջոցով։ Նա նաև պարզաբանել է, որ այժմ նպատակ ունի քնել գիշերը յոթից ութ ժամ:
«Այժմ մենք գիտենք, որ լավ քունը շատ կարևոր է ուղեղի առողջության պահպանման համար, նույնիսկ դեռահասների շրջանում»,- եզրափակել է Գեյթսը:
Самое популярное 
Баграт Галстанян: Мы зафиксировали первую победу
