Փակ շուկայի մոտի գետնանցումում հենաշարժողական խնդիրներով անձանց համար վերելակ է տեղադրվել (տեսանյութ)
ВидеоԵրեւան քաղաքի Մաշտոցի պողոտայում առկա գետնանցումը համալրվել է հենաշարժողական խնդիրներ ունեցող մարդկանց համար նախատեսված հատուկ վերելակով։ Տեղեկությունը «Ֆեյսբուքի» իր էջում հայտնել է Երեւանի փոխքաղաքապետ, ՔՊ–ի կողմից առաջադրված քաղաքապետի թեկնածու Տիգրան Ավինյանը եւ կից տեսանյութ հրապարակել։
«Հատուկ հարմարություններ՝ մեր քաղաքը բոլորին հասանելի դարձնելու համար։ Հարթակը կառուցվել է միջազգային բոլոր չափորոշիչներին համապատասխան։ Սարքից անվտանգ եւ ինքնուրույն օգտվելու բոլոր կանոններին կարելի է ծանոթանալ վերելակի մոտ փակցված ուղեցույցի միջոցով»,– գրել է Ավինյանը։
Նա շեշտել է, որ այս տարի նախատեսում են 20 նմանատիպ սարքավորում տեղադրել, ինչը եւս մեկ քայլով Երեւանը կդարձնի ավելի հասանելի, ներառական եւ հարմարավետ։
Տեսանյութում երեւում է, թե ինչպես է հենաշարժողական խնդիր ունեցող քաղաքացին ինքնուրույն սեղմում եւ պահում կանչի կոճակը, այնուհետեւ մոտենում վերելակին, բարձրացնում բռնակը եւ տեղափոխվում հարթակի վրա։
Երեւանի քաղաքապետարանից հայտնում են, որ անվտանգության ապահովման համար անպայման պետք է իջեցնել բռնակները, այնուհետեւ սայլակի արգելակները։ Վերելակը մեխանիկորեն է իջնում, քաղաքացին ինքն է կառավարում այն։
Հարթակը հաշվարկված է մոտ 200 կգ քաշի տեղափոխման համար:
Самое популярное 
Баграт Галстанян: Мы зафиксировали первую победу
