Իշխանությունը ասֆալտ օպերացիան հարյուր տոկոսով գլուխ բերելուց հետո անցել է օդանավակայաններ ցուցադրելուն․ Նաիրա Զոհրաբյան

«Այս հայտարարարությունները լոկ հայտարարություններ չեն և  փորձը ցույց է տվել, որ Ադրբեջանը ինչ ասում է դա անում է: Դրանք քարոզչական բնույթ ունեցող հայտարարություններ չեն, այլ՝ իրենց հետագա գործողությունների մասին ազդարարող հայտարարություններ»,-ԼՈՒՐԵՐ.com-ի հետ զրույցում այս տեսակետը հայտնեց «Անվտանգություն և ժողովրդավարություն» հասարակական կազմակերպության ղեկավար Նաիրա Զոհրաբյանը` անդրադառնալով Ադրբեջանի խորհրդարանի պաշտպանության կոմիտեի նախագահ Զ. Ասկերովի այն հայտարարությանը, որ Կապանի օդանավակայանը կունենա Ստեփանակերտի օդանավակայանի ճակատագիրը։ «Այն կմնա որպես թանգարանային նմուշ և Հայաստանը պատրաստվում է սադրիչ գործողությունների, ինչպիսին Կապանի օդանավակայանի բացումն է։ Հայաստանը Ադրբեջանի հետ նման համաձայնություն չունի»,- ասել է նա։ 
 
Զոհրաբյանը կարծում է, որ մեկ երկու սադրանքից հետո միջազգային հանրությունը Հայաստանին «բարեկամաբար» խորհուրդ կտա հետագա սադրանքներից խուսափելու համար զերծ մնալ օդանավակայանի շահագործումից. «Մենք գործ ունենք պոպուլիստ իշխանության հետ, որոնք իրենց կարծիքով ասֆալտ օպերացիան հարյուր տոկոսով գլուխ բերելուց հետո,  անցել են օդանավակայաններ ցուցադրելուն և այս ամենը արվում է ներքաղաքական բոնուսներ հավաքելու համար»,- ասաց մեր զրուցակիցը:

Զոհրաբյանի խոսքով՝ Իշխանության վարկանիշը ինչքան անկում ապրի այնքան նրանք հասարակությանը կկերակրեն այսպիսի պոպուլիստական հայտարարություններով. «Եթե Հայաստանի իշխանությունը ունենա այնքան վճռականություն և չընկրկի Ադրբեջանի սպառնալիքների առջև, միջազգային գործընկերների երաշխիքների ներքո շահագործի Կապանի օդանավակայանը, դա կլինի արդյունավետ երթուղի»,- ասաց նա՝ նշելով, որ ավելի քան վստահ է՝ այս շոուն ավարտվելու է մեկ անգամյա այցով, որի թիվ մեկ և վերջին ուղևորը կլինի Նիկոլ Փաշինյանը:

«Ալիևը թքած ունի միջազգային հանրության վրա, ով է խանգարելու Ալիևին խփել քաղաքացիական ինքնաթիռ և հերթական անգամ մնալ անպատիժ։ Այսօր միջազգային հանրությունը Ադրբեջանի նկատմամբ որևէ սանկցիա չի կիրառելու, որովհետև  միջազգային հանրությունը  կտրվել է ռուսական նավթից և դրա պակասը փորձում է լրացնել  Ադրբեջանից։ Ադրբեջանն էլ շատ հրաշալի դա հասկանում է և փորձելու է առավելագույնս օգտագործել իր շահեկան իրավիճակը»,- եզրափակեց Նաիրա Զոհրաբյան

Լիլիթ Զալիբեկյան

Այս թեմայով Տատ ջա՜ն, օրհնի’ր, որ հաղթանակով հետ գանք. Աղոթքից ու Լենա տատի օրհնությունից հետո սկսվեց երթը Երևան (տեսանյութ) Բրազիլիայում 39 մարդ է մահացել վերջին 80 տարվա ամենասարսափելի ջրհեղեղներից հետո (տեսանյութ) Միայն ներկայիս իշխանությունը կարող է աշխարհաքաղաքական իրավիճակի անվան տակ կեղեքել հայրենիքը. Մետաքսե Հակոբյան Գյումրիում տան կրակը մարելուց հետո հրշեջները հայտնաբերել են 3 և 5 տարեկան երեխաների դիեր Այսօր մեր իշխանությունը վերածվել է Ադրբեջանի և հայ ժողովրդի միջև տեղեկատվություն փոխանցողի Հայաստանը իշխանությունը դարձնելու է «քպ-ստան», եթե ժողովրդի կողմից ընդզվում չեղավ. Արծվիկ Մինասյան Իշխանությունը վախենում է Սրբազանից. տավուշեցիների պայքարն արդյունք տվել է. Արթուր Սարգսյան (տեսանյութ) «Հանուն Ալիևի և Ադրբեջանի» օպերացիա են անում Տավուշում, հայ ոստիկանը թուրքի համար ճանապարհ է բացում. Նաիրա Զոհրաբյան (տեսանյութ) Ազգությամբ «հայ» ոստիկանների ձեռքով «հայկական իշխանությունը» փորձում է ճնշել իրական հայ գյուղացուն «2018-ին եկած իշխանությունը կորցրեց արագ ռեֆորմների հնարավորությունը». Հայկ Մարությանի նոր կուսակցության համագումարը