Արցախից բռնի տեղահանված 97 հազար 735 քաղաքացի արդեն հատել է Հայաստանի սահմանը

Սեպտեմբերի 29-ի ժամը 18:00-ի դրությամբ բռնի տեղահանվածների թիվը կազմում է 97 735 անձ: Նրանցից մոտ 74 382-ը հաշվառված են: Այդ մասին հումանիտար կենտրոնի աշխատանքները ներկայացնող ասուլիսի ժամանակ ասաց ՀՀ վարչապետի մամուլի քարտուղար Նազելի Բաղդասարյանը:

27 396 անձ օգտվել է Կառավարության տրամադրած կեցավայրերից. Արագածոտնի մարզում տեղաբաշխվել է 1617 անձ, Արարատի մարզում` 6139, Արմավիրի մարզում` 2749, Գեղարքունիքում` 2398, Կոտայքում` 7078, Լոռիում` 1404, Սյունիքում` 2094, Տավուշում` 1237, Վայոց ձորում՝ 1613, Շիրակի մարզում՝ 1067:

Նազելի Բաղդասարյանը նշեց, որ նախօրեին Ստեփանակերտ մեկնած ավտոբուսները այսօր 1560 մարդու արդեն իսկ տեղափոխել են Գորիս: «Ինչպես խոստացել էինք, ավտոբուսները ետադարձ ուղղությամբ մեկնել են Ստեփանակերտ, ընդհանուր՝ 46 ավտոբուս: Ինչպես հայտնում են ՏԿԵՆ-ից, ժամը 18:40-ի դրությամբ դրանք հատել են Հակարիի կամուրջը: Ետադարձ մեկ երթ կկատարեն»,- ասաց վարչապետի մամուլի քարտուղարը:

Նա նաև հայտնեց, որ հայաստանյան ԲԿ-ներում բուժում է ստանում 405 բուժառու, նրանցից 337-ը վերջին ռազմական գործողությունների և պայթյունի հետևանքով տուժած քաղաքացիներ են:

10 երեխա այս պահին գտնվում է վերակենդանացման բաժանմունքներում: Նրանցից 5-ի վիճակը բավականին ծանր է, մեկի վիճակը՝ ծայրահեղ ծանր:

Այս թեմայով ՀՀ կառավարությունն Արցախի ժողովրդի վերաբերյալ որոշումները կայացնում է առանց ռազմավարության, նպատակն Արցախի էջը մեկընդմիշտ փակելն է. Արտակ Բեգլարյան Լուկաշենկոն Ալիևի հետ այցելել է օկուպացված Արցախ Գագիկ Ծառուկյանի աջակցությամբ Ծաղկաձորում մեկնարկել է Արցախ-Հայաստան եռօրյա ֆորում (տեսանյութ) Էս երիտասադրության հետ Արցախ եմ հասնելու ու մենահամերգ տամ. Գայա Արզումանյան (տեսանյութ) Սա սրբազան պայքար է և լիահույս եմ, որ մեր սերունդը վերադառնալու է Արցախ. քաղաքացի Մեր սրտերում մնալու է Արցախ վերադառնալու տեսիլքը. Բագրատ Սրբազան Հայի սրտի, հոգու ամենաերջանիկ օրերից մեկն է լինելու. այսպես գնալու ենք դեպի Արցախ. Գայա Արզումանյան (տեսանյութ) Ինչքան ապրեմ, մինչև վերջին շունչս հավատալու եմ, որ գնալու եմ Արցախ. Գայա Արզումանյան Պիտի կտրես այն ձեռքը, որ ստորագրել է՝ Արցախն Ադրբեջան է. Տեր Հովհաննես (տեսանյութ) Բաքվի թիրախում օկուպացված Արցախի Ս․ Ստեփանոս եկեղեցին է․ ներկայացնում են որպես մզկիթ