Ալիևը հայտարարել է, թե «Ադրբեջանի 8 գյուղեր դեռ գտնվում են Հայաստանի օկուպացիայի տակ»

Ադրբեջանի նախագահ Իլհամ Ալիևը և Եվրոպական խորհրդի նախագահ Շառլ Միշելը շաբաթ օրը կայացած հեռախոսազրույցի ընթացքում մտքեր են փոխանակել տարածաշրջանային խնդիրների շուրջ։ Այս ամսին հաղորդում է Ինտերֆաքսը։

Զրույցը տեղի է ունեցել Միշելի նախաձեռնությամբ, հաղորդում է Ադրբեջանի նախագահի մամուլի ծառայությունը։

Զրույցի ընթացքում Ալիևը նշել է, որ Գրանադայում հանդիպմանն իր բացակայության պայմաններում քառակողմ (ԵՄ-Հայաստան-Ֆրանսիա-Գերմանիա) արդյունքներով ընդունված հայտարարության մեջ Ադրբեջանի հիշատակումը «ճիշտ մոտեցում չէ»։

«Նախագահն ընդգծել է, որ Ադրբեջանը չի մասնակցել Գրանադայում կայացած հանդիպմանը Ֆրանսիայի հայտնի դիրքորոշման պատճառով։ Ալիևը հատկապես նշել է, որ Հայաստանին զենք տրամադրելու Ֆրանսիայի ծրագրերը ծառայում են ոչ թե խաղաղությանը, այլ նոր առճակատմանը։ Իսկ եթե տարածաշրջանում նոր առճակատում լինի, ապա դրա պատճառը կլինի Ֆրանսիան»,- ասվում է հաղորդագրության մեջ։

Ալիեւը նաեւ անընդունելի է համարել Եվրախորհրդարանի «հակաադրբեջանական» բանաձեւը։ Նրա կարծիքով, այս բանաձեւը չի նպաստի «տարածաշրջանում խաղաղության եւ կայունության ապահովմանը»։

Ալիևը նաև նշել է, թե «Ադրբեջանի 8 գյուղեր դեռ գտնվում են Հայաստանի օկուպացիայի տակ և ընդգծել է դրանց դեօկուպացիայի կարևորությունը»։

Զրույցի ընթացքում Ադրբեջանի նախագահն ընդգծել է, որ ներկայումս Իրանի հետ աշխատանքներ են տարվում տարածաշրջանային տրանսպորտային միջանցք ստեղծելու ուղղությամբ։

Այս թեմայով Բաքվում ընթանում է Ալիև-Լուկաշենկո հանդիպումը Հայ-ադրբեջանական կոնֆլիկտը մնացել է պատմության մեջ. Ալիև Սահմանազատումն իրականացվում է մեր պայմաններով, և սա մեր հերթական հաղթանակն է․ Ալիև «Եթե տեսնենք, որ Ֆրանսիան Հայաստանին մահաբեր զենք է տալիս, թող ոչ ոք մեզանից չնեղանա»․ Ալիև «Մեր պահանջով չորս գյուղ է վերադարձվում, այդպես էլ շարունակվելու է, այստեղ խոսքի իրավունքը մեզ է պատկանում»․ Ալիև Ալիևը ևս չի մասնակցի Մոսկվայում Հաղթանակի շքերթին Բանակցություններն ընթանում են այն փաստաթղթերի հիման վրա, որ պատրաստել է Ադրբեջանը․ Ալիև Մեկնարկած սահմանազատումը ցույց է տալիս, որ մեզ միջնորդներ պետք չեն. Ալիև «Այս նկարով ամեն տեղ կթողնեն»․ տեսանյութ՝ Պուտին-Ալիև հանդիպումից Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև