«Ես Միացյալ Նահանգների հիանալի նախագահ կլինեի». Առնոլդ Շվարցենեգեր
Другое
Լեգենդար դերասան Առնոլդ Շվարցենեգերը կարծում է, որ ինքն ԱՄՆ-ի հիանալի նախագահ կլիներ, սակայն երկրի օրենքները դա թույլ չեն տալիս։ Այս մասին նա հայտարարել է BBC-ին տված հարցազրույցում։
BBC-ն պարզաբանում է, որ ԱՄՆ Սահմանադրությունը սահմանում է, որ այդ պաշտոնը կարող է զբաղեցնել միայն ծննդյան օրվանից այդ երկրի քաղաքացի հանդիսացող անձը։ Ինքը՝ Շվարցենեգերը, Ավստրիայից է, որտեղ ապրել է մինչև 19 տարեկանը։
Լրագրողը հետաքրքրվել է, թե դա նյարդայնացնու՞մ է Շվարցենեգերին։
«Ես զգում եմ, որ հիանալի նախագահ կլինեի: Բայց միևնույն ժամանակ, ես զգում եմ, որ այն ամենի համար, ինչին հասել եմ, պարտական եմ Ամերիկային», - ասել է նա:
Այսպիսով, նա շնորհակալություն է հայտնել Ամերիկային և ամերիկացի ժողովրդին։
«Ամերիկան ինձ շատ հնարավորություններ տվեց, իսկ ամերիկացի ժողովուրդը շատ հյուրընկալ էր, նրանք ինձ պարզապես գրկաբաց ընդունեցին: Ոչ ոք չկանգնեց իմ հաջողության ճանապարհին»,- ասել է Շվարցենեգերը:
Ընդո որում, ԱՄՆ Կալիֆորնիա նահանգի նախկին նահանգապետը չի կորցնում մի օր երկրի ամենաբարձր պաշտոնը ստանձնելու հույսը։
«Մենք ունենք Սահմանադրություն: Իհարկե, դա փոխելու համար մեզ անհրաժեշտ է ներգաղթային բարեփոխումներ: Բայց մի փոքր եսասիրություն կլիներ, եթե ես վերցնեի ու փորձեի փոխել օրենքը», - ասել է նա:
Самое популярное 
Архиепископ: Алиев с включенной в машине песней «Нолду Пашинян» разъезжает по Арцаху
