Մի քանի վայրկյան շուտ հասնելու համար չարժե ճանապարհն անցնել չթույլատրվող հատվածով՝ վտանգելով կյանքը

Երթևեկելիս լինել զգոն, պահպանել արագության սահմանափակումները, մեքենա վարելիս հետևել հետիոտների շարժին. վարորդներին ուղղված կոչերի շարքը դեռ երկար կարող ենք թվարկել: Սակայն երթևեկության մասնակից են նաև հետիոտները:

Նրանք ևս պարտավոր են պահպանել որոշակի կանոններ, և ամենակարևորը` պարտավոր են փողոցն անցնել միայն հետիոտնի համար նախատեսված հատվածով, վերգետնյա կամ ստորգետնյա անցումներով։ Մի քանի վայրկյան շուտ տեղ հասնելու համար չարժե ճանապարհն անցնել չթույլատրվող հատվածով՝ վտանգելով կյանքը, նաև անհարմարություն ստեղծելով երթևեկության մյուս մասնակիցների համար:

Ըստ վիճակագրության` նախորդ տարվա ընթացքում հետիոտների՝ ոչ սահմանված հատվածով անցնելու հետևանքով արձանագրվել է 1193 ճանապարհատրանսպորտային պատահար։ Վրաերթի ենթարկվածներից 108-ը մահացել են, իսկ 1158-ը՝ վիրավորվել։ Ավելին, այս տարվա հունվարի 8-ից 10-ը, ընդամենը երեք օրվա ընթացքում, հանրապետությունում իրականացված ուժեղացված ծառայության ընթացքում պարեկները կազմել են հետիոտնի՝ ոչ սահմանված վայրով անցնելու վերաբերյալ 2194 արձանագրություն։

Երթևեկության հարգելի՛ մասնակիցներ՝ վարորդներ և հետիոտներ, ձեր իսկ անվտանգությունից ելնելով՝ պահպանեք ճանապարհային երթևեկության կանոնները։ Ճանապարհը հատեք բացառապես հետիոտնային անցումներով՝ պահպանելով ձեր կյանքն ու առողջությունը։

Այս թեմայով Սույն անձն ունի 24 ժամ՝ իր կողմից տարածած ակնհայտ սուտ տեղեկատվության հերքման և զրպարտության համար ներողության հայցման համար Մեծ է գայթակղությունը ասելու՝ պետք է աննահանջ լինենք և կռիվ տանք յուրաքանչյուր մետրի համար. Մարությանը՝ Տավուշի մասին Հրդեհ է բռնկվել «Mercedes» մակնիշի կցորդիչով բեռնատարում. կրակը տեսանելի է մի քանի հարյուր մետրից Փաշինյանը որ հրաժարական տա, նոր էս գործը կբացվի. պատասխան պիտի տա երեխեքին սպանելու համար (տեսանյութ) Ոստիկանության համար սովորական է դարձել ԶԼՄ ներկայացուցչի վրա հարձակվելն ու բռնություն գործադրելը․ հայտարարություն Ով սուտ տեղեկություն է տարածում, թե այդ ակցիայի համար փող են տվել, ինքը «սապլյակի տղա ա». Հովհաննես Հարությունյան (տեսանյութ) ԱՄՆ-ն Գազայի բնակչության համար լողացող նավամատույց է կառուցում (լուսանկարներ) Տավուշից բնակիչներ են բերվել Երեւան` Փաշինյանի հետ փակ հանդիպման համար. աղբյուր Ինչի՞ եք լռում, ինչի՞ հիմա չեք ասում, որ պետք է պայքարել երկրի համար. Տիգրան Վարդանյանը՝ Մկոյին Ադրբեջանը կարող է դեմպինգի դիմել եւ հայաստանյան շուկան գրավելու համար իջեցնել գազի սակագինը. փորձագետ (տեսանյութ)