Իշխանությունները խոստովանեցին, որ Բաքվի պահանջով հերթական միակողմանի զիջմանն են գնալու

Երեկ կայացած ասուլիսի ընթացքում պատասխանելով լրագրողների հարցերին՝  ԱԳՆ նախարար Արարատ Միրզոյանն անդրադարձել էր նաև նոր Սահմանադրության ընդունման անհրաժեշտությանը, մասնավորապես` թե որքանով է այդ գործընթացը պայմանավորված Ադրբեջանի կողմից ՀՀ իշխանություններին ներկայացված պահանջով։Միրզոյանն ըստ էության հաստատեց, որ սահմանադրական փոփոխությունների գործընթացի հիմնական շարժառիթը հենց Ադրբեջանի պահանջներն են։ Նախարարից նաև հետաքրքրվեցին, թե արդյոք բանակցությունների ընթացքում, երբ Բաքուն ասում է, թե խնդիրներ կան Հայաստանի Սահմանադրության հետ կապված, Երևանը խոսո՞ւմ է Ադրբեջանի Սահմանադրությունից: «Երկուստեք՝ երկու կողմն էլ իրավական խնդիրներ տեսել է այս առումով և այդ խնդիրները ներկայացրել է մյուս կողմին, և երկու կողմն էլ տվել են համապատասխան պարզաբանումներ, բացատրություններ, այնպես որ, այո, որքան որ Ադրբեջանն է այդ խնդիրը տեսել և ներկայացրել, նույնքան էլ Հայաստանն է Ադրբեջանի ուշադրությունը հրավիրել համարժեք այդպիսի խնդրի, իրենց իրավական դաշտում՝ սկսած Սահմանադրությունից», - արձագանքեց Արարատ Միրզոյանը։

Օրեր առաջ Հայաստանի վարչապետն էր հայտարարել, որ Հայաստանը պետք է ունենա նոր Սահմանադրություն, որը երկիրն ավելի մրցունակ ու կենսունակ կդարձնի աշխարհաքաղաքական և ռեգիոնալ նոր պայմաններում: Փաշինյանի այս հայտարարությունից հետո հասարակության մի ստվար հատվածի և փորձագիտական շրջանակների մոտ կարծիք ձևավորվեց, որ իշխանությունները ցանկանում են փոխել Սահմանադրությունը՝ Արցախի վերջնական հանձնումը լեգիտիմացնելու նպատակով: Այդ ճանապարհին նրանց խանգարում է Անկախության հռչակագիրը, որտեղ ամրագրված է Արցախի անքակտելիությունը Հայաստանի հետ:

Փաստացի, Հայաստանի իշխանությունները իրենց շուրթերով հաստատում են, որ նոր Սահմանադրություն ունենալը ոչ այնքան իրենց նոու-հաուն է, որքան Իլհամ Ալիևի պահանջը, որն էլ իրենք հոժարակամ կատարում են: Փաշինյանն ու թիմակիցները նաև խոսում են այն մասին, որ Հայաստանն էլ է խնդիրներ տեսնում ադրբեջանական Մայր օրենքում, սակայն, պարզից էլ պարզ է, որ Բաքուն սահմանադրական փոփոխությունների գնալ չի պատրաստվում: Ստացվում է, որ գործ ունենք ՀՀ իշխանությունների կողմից դրևսորվող հերթական միակողմանի զիջման հետ՝ հայ ժողովրդի ազգային ու կենսական շահերի հաշվին:

Այս թեմայով Խոշոր ավտովթար Շիրակի մարզում. հոսպիտալացվել է 6 քաղաքացի Խոշոր վթար Կոտայքում. «Mercedes»-ը կոտրել է էլեկտրասյունը և գլխիվայր հայտնվել դաշտում. կա վիրավոր Գետում ավտոմեքենա է արգելափակվել․ դուրս բերելու համար անհրաժեշտ է եղել փրկարարների օգնությունը (տեսանյութ) Խոշոր ավտովթար՝ Երևանում. պարեկները որոնում են առեղծվածային վարորդին Ավտովթար՝ Արմավիրի մարզում. բախվել են «Kia»-ն ու «06»-ը. կան վիրավորներ Ծաղկահովիտ-Ալագյազ ճանապարհին մեքենաներ են բախվել․ կան տուժածներ (լուսանկարներ) «Երեքնուկ» կամրջի մոտ բախվել են 2 «Mercedes»-ներն ու «Opel»-ը. կա 1 զոհ, 2 վիրավոր Ավտովթար Դիլիջան-Հաղարծին ճանապարհին․ կան տուժածներ Երևանում Hyundai Elantra-ն հայտնվել է փոսում Երևանում ավտոբուսները բախվել են իրար. կա վիրավոր