Նեյրոնային ցանցը տղամարդու փոխարեն մեկ տարի շփվել է աղջիկների հետ ու օգնել նրան կին գտնել

Մոսկվայից Ալեքսանդր Ժադանը կարգավորել է ChatGPT չաթ բոտն այնպես, որ իր փոխարեն աղջիկների գտնի և շփվի նրանց հետ: Այսպիսով, մեկ տարվա ընթացքում նեյրոնային ցանցը ծանոթացել է 5240 աղջկա հետ, որոնցից մեկին ամուսնության առաջարկ է արել տղան։ Ժադան այս մասին խոսել է X–ում (Twitter)։

Ժադանը փորձարկումը սկսել է դեռ 2022 թվականին։ Դրանում օգտագործվել էին Tinder-ը և GPT-3 լեզվային մոդելը: Նեյրոնային ցանցին առաջադրանք է տրվել՝ ծանոթանալ աղջկա և նրան ժամադրության հիավիրել, բայց ոչ անմիջապես: Ծառայության առաջին տարբերակը, ըստ էնտուզիաստի, այնքան էլ արդյունավետ չի եղել։ Այն վարում էր ոչ այնքան արժանահավատ երկխոսություններ, մոռանում էր կոնտեքստը, ինչպես նաև արագ կերպով առաջարկում էր հանդիպել:

Այնուհետև Ժադանը վերանախագծել է ծառայությունը՝ հիմնված GPT-4-ի վրա: Նեյրոնային ցանցն սկսել է ավելի օրգանական պատասխաններ պատրաստել, ինչպես նաև սովորել է տղային ցույց տալ պոտենցիալ ոչ ճշգրիտ հաղորդագրությունները՝ դրանք ուղարկելուց առաջ: Արդյունքում, նոր տարբերակը մեկ ամսվա ընթացքում հավաքել է 4943 «մեթչ» (փոխադարձ հավանումներ) և նշանակել մոտ հարյուր ժամադրություն։ Օրական ժամադրությունների թիվը հասել է հինգի։

«Ժամադրությանը մենք ուտում էինք, խմում բարում, հետո ֆիլմ էինք դիտում կամ քայլում փողոցներով, այցելում ցուցահանդեսներ և թեյարաններ: Եվ ես հասկացա, որ մարդիկ սովորաբար այլ կերպ են հանդիպում, բայց ինձ համար այս գործընթացը բավականին այլ կերպ էր»,- ասել է Ժադան։

Ի վերջո, այս կերպ տղան ծանոթացել է ոմն Կարինայի հետ, ում ամուսնության առաջարկ է արել 2024 թվականի հունվարի 30-ին։