Հայտնի է աշխարհում ամենաթանկ ապրանքանիշը. Brand Finance

Apple-ը դարձել է աշխարհի ամենաթանկ ապրանքանիշը, մինչդեռ Amazon-ը, որը նախորդ տարի առաջատարի դիրքն էր զբաղեցնում, նահանջել է չորրորդ հորիզոնական։ Սրանք Brand Finance Global 500-ի ամենամյա հետազոտության տվյալներն են, հայտնում է Interfax-ը։

Apple ապրանքանիշի արժեքը մեկ տարվա ընթացքում աճել է 74%-ով՝ հասնելով $516,6 մլրդ-ի, մինչդեռ Amazon-ն աճել է ընդամենը 3,2%-ով՝ հասնելով $308,9 մլրդ-ի։

Microsoft-ը չորրորդից բարձրացել է երկրորդ տեղ՝ գրանցելով գրեթե 78% աճ (մինչև 340,4 մլրդ դոլար):

Google-ը մնացել է երրորդ տեղում (+18,5%, մինչև $333,4 մլրդ):

Հաջորդը Samsung-ն ու Walmart-ն են, որոնք նախորդ տարվա համեմատ փոխվել են տեղերով։ Առաջին ապրանքանիշի արժեքը նվազել է 0,3%-ով և կազմել 99,4 մլրդ դոլար, երկրորդինը՝ 15%-ով և կազմել 96,8 մլրդ դոլար։

TikTok-ը տասներորդից բարձրացել է յոթերորդ տեղ (+28%, մինչև $84,2 մլրդ), Facebook-ը՝ ութերորդ՝ տասնչորսերորդից (+28%, մինչև $75,7 մլրդ)։

Tesla ապրանքանիշն էժանացել է 12%-ով (մինչև 58,3 մլրդ դոլար), ինչի արդյունքում 2023 թվականի՝ իններորդ հորիզոնականից իջել է վարկանիշի տասնութերորդ հորիզոնական։

Թոփ 500-ում ներառվել են 201 ամերիկյան ապրանքանիշեր, որոնք կազմում են ընդհանուր արժեքի կեսից ավելին։։ Բացի ԱՄՆ-ի և Չինաստանից բրենդներից՝ լավագույն 30-ում ընդգրկված են միայն վեց ընկերություններ՝ Samsung, Deutsche Telekom, Mercedes-Benz, Toyota, Shell և Allianz:

Brand Finance-ի ութերորդ ամենամյա ուսումնասիրությունը պարունակում է տվյալներ 41 երկրների և արդյունաբերության 31 ոլորտների ավելի քան 6000 ապրանքանիշերի վերաբերյալ: Հարցմանը մասնակցել է ավելի քան 150 հազար հարցված։

По теме Global Finance признал лидирующую роль Америабанка в области устойчивого финансирования в Армении Америабанк признан победителем в 3-х номинациях премии журнала «Global Finance» «Лучший цифровой банк 2023» Америабанк удостоился четырех наград в области устойчивого финансирования от журнала «Global Finance» Америабанк назван лучшим инвестиционным банком Армении в 2023г. журналом Global Finance Америабанк назван самым надежным банком Армении по версии журнала Global Finance Америабанк удостоился награды «Самый инновационный цифровой банк в Центральной и Восточной Европе 2022» по версии журнала Global Finance Америабанк признан лучшим инвестиционным банком Армении по версии авторитетного журнала Global Finance