Ծրագիր՝ միտված առցանց միջավայրում երեխաների պաշտպանությանը

Մեկնարկել է ՅՈՒՆԻՍԵՖ-ի «Երեխաների դիմակայունության ամրապնդում և պաշտպանություն կազմակերպված կիբերհանցավորությունից և առցանց վնասներից» ծրագիրը:

Բացման արարողությանը ներկա են եղել ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը, Ներքին գործերի նախարարի տեղակալ Արփինե Սարգսյանը, ԿԳՄՍ նախարարության երիտասարդության հարցերի վարչության պետ Զարա Ասլանյանը, Հայաստանում ՅՈՒՆԻՍԵՖ-ի ներկայացուցիչ Քրիստինե Վայգանդը, Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ջոն Գալագերը, պաշտոնատար այլ անձինք:

Ծրագիրն իրականացվելու է իրավասու պետական մարմինների և քաղաքացիական հասարակության շահագրգիռ կազմակերպությունների հետ համագործակցությամբ՝ առցանց միջավայրում երեխաների դիմակայունությունն ամրապնդելու և երեխաներին առցանց հանցագործություններից պաշտպանելու նպատակով:

Զարա Ասլանյանը ողջունել է ներկաներին և կարևորել ծրագիրը տեղեկատվական տեխնոլոգիաների զարգացման դարաշրջանում ամեն օր նոր հմտություններ ձեռք բերելու անհրաժեշտության տեսանկյունից. «Այս ծրագիրը հնարավորություն է տալու համայնքի երիտասարդներին ֆորմալ և ոչ ֆորմալ կրթության ձևաչափերով իրազեկվել և զինվել գիտելիքով՝ ցուցաբերելու անվտանգ վարքագիծ և կանխարգելելու հնարավոր բացասական դեպքերը»: Զարա Ասլանյանը նշել է, որ ՀՀ կառավարությունը ևս հանձնառու է երիտասարդների կարողությունների, հմտությունների ձևավորմանն ու զարգացմանը. ամենամյա միջոցառումներից է «Մարզաբնակ երիտասարդների կարողությունների զարգացում՝ ուղղված մեդիագրագիտությանը, թվային գրագիտությանը և կիբերգրագիտությանը» ծրագիրը, որի միջոցով երիտասարդները հնարավորություն ունեն ձեռք բերելու առցանց հարթակներում անվտանգության պահպանման վերաբերյալ հիմնարար գիտելիք:

Ըստ Հայաստանում ՅՈՒՆԻՍԵՖ-ի ներկայացուցիչ Քրիստինե Վայգանդի՝ վերջին երկու տարվա հետազոտության տվյալներով ամբողջ աշխարհում 15-25 տարեկան երեխաների 70 տոկոսն ակտիվորեն օգտագործում է համացանցը. «Սա նշանակում է, որ մենք կարիք ունենք վերանայելու առցանց տիրույթում երեխաների անվտանգությունն ապահովող մեր մոտեցումները: Այսօր երեխաների 33 տոկոսը օրական 4 ժամից ավելի անցկացնում է համացանցում: Ծնողների 64 տոկոսը խնդրում է երեխաներին՝ օգնել կողմնորոշվելու թվային տիրույթում, և 2 տոկոսն է միայն, որ կարող է ուղղորդել երեխաներին և վստահ է զգում իրեն համացանցում: Հասկանում ենք, որ կարիք կա նպաստելու երեխաների, ծնողների, ուսուցիչների կարողությունների աճին, որպեսզի կարողանանք օգնել երեխաներին մի կողմից օգտվել համացանցի հնարավորություններից, մյուս կողմից՝ օգնել անել դա ապահով եղանակով»:

Քրիստինե Վայգանդի խոսքով՝ այս ծրագրի շրջանակում համագործակցելով ՀՀ կառավարության հետ՝ օրենսդրության և քաղաքականության դաշտում կմշակվեն այն լուծումները, որոնք թույլ կտան իսկապես ավելի լավ պաշտպանություն ունենալ առցանց տիրույթում գտնվող երեխաների համար:

Ծրագիրն իրականացվում է Մեծ Բրիտանիայի հակամարտությունների, կայունության և անվտանգության հիմնադրամի ֆինանսավորմամբ:

Միջոցառմանը ներկայացվել են թվային միջավայրում երեխաների պաշտպանության վերաբերյալ ՅՈՒՆԻՍԵՖ-ի մոտեցումները և «Թվային միջավայրի հետ կապված ռիսկերը և հնարավորությունները Հայաստանի երեխաների համար» հետազոտության արդյունքները: Ներկայացվել է նաև CoMedia նախագիծը, որը մեդիագրագիտության հավելված է (սեղանի խաղ դեռահասների համար): Այն հեղինակել են մի խումբ երիտասարդներ:

Այս թեմայով Փաշինյանը թուրք-ադրբեջանական ծրագիր է իրականացնում, Աշոտյանին կալանավորել են դրա բացահայտման համար (տեսանյութ) Սոլովյովի հաղորդման մասին կարող ենք մոռանալ, շուտով դրա փոխարեն այլ ռուսական ծրագիր կլինի. ՀՌՀ «Սթրեսային վիճակում գտնվող երեխաների հետ աշխատանքն այլ առանձնահատկություն ունի». Արաքսիա Սվաջյան Երևանի դպրոցներից մեկում 14-ամյա երեխան օդաճնշիչ ատրճանակով կրակել է 15-ամյա երեխաների վրա Հանրային գործունեությամբ զբաղվող կանայք առավել շատ են ենթարկվում առցանց հարձակումների. ՄԻՊ Բերման է ենթարկվել ԱՆ երեխաների առողջության պահպանման բաժնի պետ Լիլիթ Ավետիսյանը. «Հրապարակ» Քննարկվել են «Հայ երեխաների իրավունքների պաշտպանությունը հետպատերազմյան համատեքստում» ԵԽ ծրագրի մանրամասները Կառավարության «Խաղաղության խաչմերուկ» նախագիծը միտված է տարածաշրջանի կապակցվածության խթանմանը «Հրապարակ». ԱԺ օթյակում Փաշինյանի «ախրանայի» պատճառով պատանդ մնացած երեխաների ինքնազգացողությունը վատացել է Կիևը նոր հակահարձակման ծրագիր ունի. Զելենսկի