Գրոհ՝ ավանդական արժեքների դեմ. Արևմուտքը «վերակենդանացնում» է Ստամբուլյան կոնվենցիան

Հայաստանի ազգային ժողովն առաջին ընթերցմամբ ընդունեց «Քաղաքացիական պայմանագիր» խմբակցության պատգամավորների հեղինակած՝ ընտանեկան բռնության կանխարգելման վերաբերյալ օրենքի նախագիծը։ Թեև նախագծով փորձ է արվում կանխել ընտանեկան բռնությունը, բայց ընտանիքի սահմանումն ընդլայնված է եւ ավելացել է զուգընկեր եւ զուգընկերուհի հասկացությունները: Այսինքն՝ միասեռականության ծպտյալ քարոզ է արվում ՀՀ օրենսդիր մարմնում Նիկոլ Փաշինյանի իշխանության օրոք: Նախագծերի փաթեթի խնդիրները նկատել է նաեւ Ազգային ժողովի աշխատակազմի փորձագիտական եւ վերլուծական վարչությունը՝ եզրակացնելով, որ «Իրավական որոշակիության տեսանկյունից խնդրահարույց է լինելու Նախագծի 6-րդ հոդվածով նախատեսվող Օրենքի 4-րդ հոդվածի 1-ին մասում լրացվող 10-րդ կետով նախատեսվող «զուգընկեր» հասկացությունը»: 

Շատերի կարծիքով՝ այս քայլին հաջորդելու է Արևմուտքի կողմից հեղափոխությունից հետո Հայաստանում լոբբինգ արվող Ստամբուլյան կոնվենցիայի ընդունումը: Այն, որ Արևմուտքը շահագրգռված է դրանում, եվրոպաշտոնյաները չեն էլ թաքցնում: Դիցուք՝  նախորդ տարվա նոյեմբերին կայացած ժողովրդավարության ֆորումի ընթացքում ՀՀ-ում ԵՄ դեսպան Անդրեա Վիկտորինը հայտարարել էր, որ ցանկանում է, որպեսզի Հայաստանը վավերացնի Ստամբուլյան կոնվենցիան:  Իր հերթին Ստամբուլյան կոնվենցիայի լոբբինգով էր զբաղված նաև Եվրոպայի խորհուրդը, որը այս թեմայի վերաբերյալ հայերեն լեզվով ուղեցույց էր հրապարակել խորհրդարանականների համար: Գաղտնիք չէ, որ Ատամբուլյան կոնվենցիան միշտ եղել է ՀՀ-ին պարտադրվելիք ԵՄ ճանապարհային քարտեզի առանցքային կետերից մեկը և այսօր Արևմուտքը ակնհայտորեն մեծացնում է ճնշումը ՀՀ իշխանությունների վրա՝ այն վավերացնելու նպատակով:  Միևնույն ժամանակ, ուշագրավ է, որ արևմտյան երկրները, և նույնիսկ ԵՄ ու ՆԱՏՕ անդամ երկրները, չեն շտապում վավերացնել սույն կոնվենցիան: Դիցուք՝ Ստամբուլյան կոնվենցիային ոչ են ասել Բուլղարիան, Լեհաստանը և Թուրքիան, իսկ Եվրոպայի խորհրդի անդամ 47 պետությունից կոնվենցիան վավերացրել են ընդամենը 34-ը: Կոնվենցիան վավերացնելուց հրաժարվելու հիմք էլ նշվում է հենց ավանդական ընտանիքի մոդելին սպառնացող ռիսկերը, որոնք սակայն, ինչպես երևում  է, չեն խանգարում Նիկոլ Փաշինյանին և վերջինս պատրաստ է դրանք էլ զոհաբերել՝ Արևմուտքի սիրտը շահելու նպատակով: Փորձագետների կարծիքով՝ Փաշինյանի կողմից առաջարկվող նոր Սահմանադրության մեջ տեղ է գտնելու նաև գենդերային բազմազանություն ձևակերպումը, ինչն էլ իր հերթին իշխանություններին իրավական լծակներ է տալու ԼԳԲՏ համայնքի ներկայացուցիչների շահերը պաշտպանելու և հայկական ավանդական ընտանիքի մոդելը ապամոնտաժելու համար:

Այս թեմայով Նիկոլ Փաշինյանի արածը եթե կյանքի կոչվի, այդ դեպքում պատերազմի սպառնալիք կլինի. Գեղամ Մանուկյան Ես Նիկոլն եմ, Աչաջուրից բայց Փաշինյան չեմ. չեմ ուզում, որ դպրոց գնալիս թուրք տեսնենք (տեսանյութ) Փաշինյանը նախագահելու է Մոսկվայում կայանալիք ԵԱՏՄ 10-րդ գագաթնաժողովը Մայիսի 8-ին տեղի կունենա Պուտինի և Փաշինյանի հանդիպումը Հայտարարում ենք, որ չենք ներկայանալու Նիկոլ Փաշինյանի ասուլիսին և ուղիղ կերպով չենք տարածելու հայ ժողովրդի ու հայոց պետականության դեմ ուղղված նրա մտքերն ու տեսակետները Մայիսի 7-ին` ժամը 12:00-ին, տեղի կունենա Նիկոլ Փաշինյանի մամուլի ասուլիսը Նիկոլ Փաշինյանը չի մասնակցի ՌԴ նախագահ Վլադիմիր Պուտինի երդմնակալության արարողությանը Փաշինյանը մերժել է Ֆրանսիայի նախագահի խնդրանքը․ 168.am Փաշինյանի գլխավորությամբ կառավարությունում տեղի է ունեցել խորհրդակցություն «Եթե մնա Նիկոլը». քաղաքացիների իրազեկման ակցիան ամբողջ Հայաստանով մեկ