Նոր կադրեր՝ Նորատուսի «ծովամարտից»

Համացանցում նոր կադրեր են հայտնվել Նորատուսում տեղի ունեցած «ծովամարտից»:

Հիշեցնենք, որ դեռևս 2023թ․ դեկտեմբերի 19-ին՝ ժամը 12:40-ին, Ոստիկանության Գեղարքունիքի մարզի ջրային պարեկային ծառայության աշխատակիցները, «Սևան ազգային պարկ» ՊՈԱԿ-ի ծառայողների հետ, 2 նավակով ծառայություն են իրականացել Սևանա լճի Նորատուս բնակավայրի հատվածում։ Այդտեղ նրանց են մոտեցել մոտ 200 ձկնորսական նավակներ: Ըստ հաղորդման՝ դրանցում գտնվող դիմակավորված բազմաթիվ անձինք պարեկների և «Սևան ազգային պարկ» ՊՈԱԿ-ի նավերի վրա գտնվող անձնակազմի հասցեին հնչեցրել են հայհոյանքներ, սպառնացել են հրկիզել նրանց և նավերը, նրանց ուղղությամբ նետել են բենզինով լցված շշեր, փայտեր։ Ոմանց հաջողվել է բարձրանալ «Սևան ազգային պարկ» ՊՈԱԿ-ին պատկանող նավի վրա և վիճաբանել նավի վրա գտնվող աշխատակիցների հետ, ձեռքերով, ոտքերով, տարբեր առարկաներով հարվածել աշխատակիցներին, որոնցից մի քանիսը, նախնական տվյալներով, ստացել են տարբեր աստիճանի մարմնական վնասվածքներ:

Այդ ամենի ընթացքում պարեկային ծառայողները և ազգային պարկի աշխատակիցները նրանց հորդորել են դադարեցնել անօրինական գործողությունները և ենթարկվել իրենց օրինական պահանջներին։ Սակայն նավակներով մոտեցած անձինք շարունակել են ագրեսիվ գործողությունները, նրանցից մեկը դանակով կտրել է «Սևան ազգային պարկ» ՊՈԱԿ-ին պատկանող նավի հետնամասից կապված նավակին պահող պարանը և նավակը տարել: Պարեկային ծառայողների կողմից մոտ 2 կմ հետապնդվելուց հետո ձկնորսները հեռացել են:

Դեպքից հետո եղան բազմաթիվ ձերբակալություններ: Նախաքննությունը շարունակվում է:

Այս թեմայով Նորատուսի տներից մեկում հայտնաբերվել է տղամարդու մարմին՝ կողքին էլ «Մակարով» տեսակի ատրճանակ Ինչպես են սահմանազատում Տավուշը (բացառիկ կադրեր) Ադրբեջանցիները կադրեր են տարածում, թե ինչպես են հայ սակրավորները ականազերծում Ոսկեպարի 7-րդ դարի եկեղեցուն հարող տարածքները Բացառիկ կադրեր. «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը Հայաստանի ճամփեքին. կադրեր ծիրանագույն մայրամուտից Կադրեր երեկվա արևի խավարումից Հռիփսիմե Խուրշուդյանն ավարտեց կարիերան. կադրեր՝ Սոֆիայի ԵԱ-ի ետնաբեմից Կադրեր՝ Էրեբունիի պայթյունից, փլատակների տակ մարդիկ կան «Ժողովուրդ». ՔՊ-ն չի կարողանում հավատարիմ կադրեր գտնել․ Նիկոլ Փաշինյանը սկսել է կադրային ջարդ իրականացնել Սարոյի դստեր շքեղ ծնունդը. բացառիկ կադրեր