Նոր մանրամասներ՝ Արթիկում զինված հարձակումից․ հնչել էին կրակոցներ, հափշտակել էին ոսկյա զարդեր

SHAMSHYAN.com-ը փետրվարի 9-ին ֆոտոռեպորտաժ, տեսանյութ էր հրապարակել Արթիկ քաղաքում տեղի ունեցած զինված ավազակային հարձակման մասին, որի ժամանակ հնչել էին կրակոցներ իսկ դիմակավորված ստահակները, ովքեր ներկայացել էին Ազգային անվտանգության աշխատակիցներ բռնություն էին կիրառել Արթիկ քաղաքի բնակիչներ Մ․ Մելիքյանի և նրա որդու նկատմամբ ու հափշտակել էին մոտ 85 հազար ԱՄՆ դոլարին համարժեք ոսկյա զարդեր։ Այս մասին հաղորդում է Shamshyan.com–ը։

Աղբյուրի հաղորդմամբ՝ պարեկային ծառայության Շիրակի մարզի գումարտակի պարեկները դեպքի վայրից մոտ 10 կմ հեռավորության վրա գտնվող Մեղրաշեն գյուղի 2-րդ փողոցի տներից մեկի հետնամասում հայտնաբերում են Opel Astra մակնիշի, առանց համարանիշի ավտոմեքենա՝ դիմացի աջ դռան հատվածում արնանման հետքերով։

Արթիկ քաղաքում դեպքի վայրում տեղազննություն կատարելուց հետո քննիչներն ու քրեագետները ժամանում են Մեղրաշեն գյուղ, որտեղ իրենց գործողությունները կատարելուց հետո քննիչի հանձնարարականով ավտոմեքենան տեղափոխվում է ոստիկանության Արթիկի բաժնի պահպանվող հատուկ տարածք։

Դեպքի փաստով Արթիկի բաժնում նախաձեռնվել է քրեական վարույթ ՀՀ Քր․ օր․-ի 252 հոդվածի 3-րդ մասի 4-րդ կետով և 335 հոդվածի 1-ին մասի հատկանիշներով, որի շրջանակում էլ ոստիկանները հայտնաբերված Opel Astra-ի սեփականատիրոջը, ով Երևանի բնակիչ 38-ամյա Պետրոս Մ․-ն է, ավազակային հարձակում կատարելու կասկածանքով փետրվարի 10-ին ձերբակալում և տեղափոխում են ոստիկանության Գյումրի քաղաքի ոստիկանության Մուշի բաժին, որտեղից էլ նրան ներկայացնում են քննչական բաժին։

Աղբյուրի տեղեկություններով՝ Պետրոս Մ․-ն քննիչի որոշմամբ ձերբակալվում և տեղափոխվում է ձերբակալվածների պահման վայր։

Նախաքննության շահերից ելնելով որոշ մանրամասներ այս պահին չենք հայտնում, գրում է կայքը։

Այս թեմայով Խոշոր ավտովթար՝ Կոտայքի մարզում․ կա վիրավոր Ավտովթար՝ Կոտայքում. 28-ամյա վարորդը «Mitsubishi Pajero»-ով «Չայնիի» ոլորաններում գլխիվայր շրջվել է Մյասնիկյան պողոտայում բախվել են չորս ավտոմեքենա (լուսանկարներ) Խոշոր ավտովթար՝ Երևանում․ մեքենան գլխիվայր շրջվել է՝ հայտնվելով ճանապարհի մեջտեղում ՆԳՆ ՓԾ–ն՝ Սյունիքում տեղի ունեցած ողբերգական ավտովթարի մասին Սյունիքի մարզում բախվել են «Opel Zafira»-ն ու «KamAZ»-ը. կա 2 զոհ, 1 վիրավոր Շտապօգնության մասնակցությամբ ավտովթար՝ Արմավիր քաղաքում. բուժքույրը տեղափոխվել է հիվանդանոց Խոշոր ավտովթար Շիրակի մարզում. հոսպիտալացվել է 6 քաղաքացի Խոշոր վթար Կոտայքում. «Mercedes»-ը կոտրել է էլեկտրասյունը և գլխիվայր հայտնվել դաշտում. կա վիրավոր Գետում ավտոմեքենա է արգելափակվել․ դուրս բերելու համար անհրաժեշտ է եղել փրկարարների օգնությունը (տեսանյութ)