Աշոտյանի դատական գործում չունենք տուժող, որովհետև չկա վնաս․ փաստաբան
Право
Հակակոռուպցիոն դատարանում այսօր շարունակվում էր Հանրապետական կուսակցության փոխնախագահ, Կրթության և գիտության նախկին նախարար Արմեն Աշոտյանի գործով դատական նիստը։ Դատական նիստի ավարտից հետո լրագրողների հետ է զրուցել փաստաբան Ռուբեն Մելիքյանը․
«Մենք միանշանակ մոտեցում ունենք, որ սա քաղաքական դատավարություն է, անհիմն մեղադրանք է, հետևաբար՝ մենք գնում ենք արդարցման ճանապարհով, մեզ համար կարևոր է, որ դատավարության ընթացքում չլինեն այնպիսի խախատումներ, որոնք հետագայում մեր կողմից ակնկալվող արդարցման դատական ակտը կարող են վտանգի ենթարկել»,- նշեց փաստաբանն ու հավելեց՝ այս դատավարության դերը շատ մեծ է Հայաստանի Հանրապետության արդարադատության վերաբերյալ գնահատականներ տալու հարցում։
Նա նաև անդրադարձավ տուժողի բացակայությանը դատական նիստերի դահլիճից․
«Տուժողները, սովորաբար, շահագրգռված են լինում, պնդում են իրենց իրավացիությունը, սակայն ինչպես Աշոտյանն ասում էր՝ մենք չունենք այստեղ բառի դասական իմաստով տուժող, տուժող, որն իսկապես իր իրավունքների պաշտպանության հարցում նախանձախնդիր է։ Ինչո՞ւ, որովհետև մենք ուղղակի այստեղ չունենք վնաս»,- համոզմունք հայտնեց Մելիքյանը։
Самое популярное 
Архиепископ Баграт Галстанян: Шествие движется по графику, задача - создать широкую общественную консолидацию
