Իսրայելի հարվածից Դամասկոսում Իրանի հյուպատոսությունը «հողին է հավասարեցվել» (տեսանյութ)

Դամասկոսում Իրանի հյուպատոսության շենքն ամբողջությամբ ավերվել է Իսրայելի ավիահարվածի հետևանքով։ Այս մասին հայտնում են տեղական լրատվամիջոցները, ինչպես նաև Իրանի և Սիրիայի իշխանությունները։

Իրանի դեսպան Հոսեյն Աքբարին և նրա ընտանիքը հարձակման հետևանքով չեն տուժել։ Նա խոստացել է, որ Թեհրանը կոշտ պատասխան կտա հարձակմանը` «նույն ծավալով և նույն խստությամբ»:

Նախնական տվյալներով՝ հյուպատոսության շենքն ու Իրանի դեսպանի նստավայրը գնդակոծվել են, ինչի հետևանքով՝ զոհվել է 7 մարդ։

Սիրիական SANA պետական ​​լրատվական գործակալության փոխանցմամբ՝ հյուպատոսության շենքը, որը գտնվում էր խիտ բնակեցված Մեզզե շրջանում, հողին է հավասարեցվել։ Սակայն դեսպանատան գլխավոր շենքը չի տուժել։

Պաշտոնական Իսրայելը հրաժարվել է մեկնաբանություններից։

Իսրայելը վերջին տարիներին հարյուրավոր հարվածներ է հասցրել Սիրիայի կառավարական վերահսկողության տակ գտնվող հատվածների թիրախներին: Դրանք սրվել են վերջին ամիսներին Գազայի հատվածում ՀԱՄԱՍ-ի դեմ Իսրայելի պատերազմի և իսրայելական բանակի ու «Հեզբոլլահի» միջև շարունակվող բախումների ֆոնին:

Ավելի վաղ հայտնել էինք, որ պայթյուններ են տեղի ունեցել Դամասկոսում Իրանի հյուպատոսության մոտ, որը ներկայումս ծառայում է՝ որպես դեսպանատուն։ 

Այս թեմայով Երևանի խնդրանքով՝ Թուրքիայի և Իրանի հետ սահմաններին ՌԴ սահմանապահները կմնան. Կրեմլ Ռաֆահին Իսրայելի հարձակման հետևանքով` զոհվել է 4 մարդ, վիրավորվել՝ 16-ը Չինաստանն ու Ֆրանսիան կփորձեն խաղաղ ճանապարհով լուծել Իրանի միջուկային խնդիրը Թուրքիայի և Իրանի արտգործնախարարները քննարկել են տարածաշրջանային զարգացումները ԱՄՆ-ի, Իրանի, Լիբանանի, Սիրիայի նման ավանդական կարևոր ու խոշոր համայնքների դռները շարունակում են փակ մնալ Նիկոլի ու Սինանյան Զարեհի դիմաց․ քաղաքագետ Վեհափառը շնորհակալություն է հայտնել Իրանի իշխանությանը Հայաստանին ցուցաբերվող զորակցության համար Կոչ եմ անում Եվրամիությանը հարգել Իրանի զինված ուժերը. Իրանի ԱԳ նախարարը՝ Բորելին Արևմուտքի համար Հայաստանը, ինչպես Ուկրաինան, ընդամենը մանրադրամ են ընդդեմ ՌԴ-ի և Իրանի․ Հայկ Բաբուխանյան (տեսանյութ) Իրանի դեմ պատժամիջոցների կիրառումը ոչնչի չի հանգեցնի. Ռաիսի Ոչ մեկին չենք խնայի. Իրանի ԱԳՆ