Ցուցարարները Վրաստանի խորհրդարանի շենքի մոտ պատռել են Ռուսաստանի դրոշը

Թբիլիսիում օտարերկրյա գործակալների մասին օրինագծի դեմ ցուցարարները Ռուսթավելի պողոտայում Վրաստանի խորհրդարանի կողային մուտքի մոտ պատռել են Ռուսաստանի դրոշը, հայտնում է Interpressnews-ը։ Ռուսթավի 2-ը գրում է, որ ցուցարարներից մեկն այրել է դրոշը։

Ապրիլի 17-ին Վրաստանն առաջին ընթերցմամբ ընդունել է իշխող «Վրացական երազանք» կուսակցության առաջարկած «Օտարերկրյա ազդեցության թափանցիկության մասին» օրինագիծը։ Այն պահանջում է, որ ոչ կառավարական կազմակերպությունները և լրատվամիջոցները, որոնք ստանում են իրենց ֆինանսավորման ավելի քան 20%-ը արտերկրից, գրանցվեն որպես «օտարերկրյա ուժային կազմակերպություն»: Մայիսի 1-ին նախագիծն անցել է երկրորդ ընթերցմամբ, ընդունմանը կողմ է քվեարկել 83, դեմ՝ 23 պատգամավոր։

Ընդդիմադիր վրացի պատգամավորները օրինագիծն անվանում են ռուսական՝ համեմատելով այն Ռուսաստանում գործող օրենսդրության հետ։ Կրեմլը մերժել է այն վարկածը, որ նախաձեռնությունը «ռուսական նախագիծ» է։

Վրաստանում բողոքի ցույցերը չեն դադարում արդեն մի քանի երեկո անընդմեջ։ Ապրիլի 30-ին բախումներ են տեղի ունեցել ցուցարարների և ոստիկանների միջև։ Մի քանի հոգի բերման են ենթարկվել՝ փորձելով թույլ չտալ պատգամավորներին դուրս գալ խորհրդարանի շենքից։

Ցուցարարները ձվեր են նետել շենքի մուտքերից մեկի վրա։

Հանրահավաքի մասնակիցների դեմ կիրառվել են ռետինե փամփուշտներ և արցունքաբեր գազ։ Վիրավորվել են ինչպես ցուցարարները, այնպես էլ իրավապահները։

Վրաստանի նախագահ Սալոմե Զուրաբիշվիլին խոստացել է վետո դնել օրենքի վրա, եթե այն ընդունվի։ Վարչապետ Իրակլի Կոբախիձեն պետության ղեկավարին անվանել է «արտաքին ազդեցության գործակալ» և խոստացել է բոլոր դեպքերում ընդունել օրենքը։

Այս թեմայով Վլադիմիր Պուտինը և Սի Ցզինպինը քննարկել են ուկրաինական ճգնաժամը Նիկոլ, չե՞ս ամաչում, էսքան ոստիկան բերել ես որ ի՞նչ, հեռացի'ր. ակցիա` կառավարության շենքի դիմաց (տեսանյութ) Ոստիկանական ուժերը գալիս են նաև բեռնատարներով, կառավարության շենքի մոտ վահանավոր ոստիկաններ են (տեսանյութ) ՈՒՂԻՂ․ Բագրատ սրբազանի կոչով հավաք` Կառավարության շենքի դիմաց Ռուսաստանի հայերի միությունը ընդլայնված նիստի որոշմամբ իր զորակցությունն է հայտնում «Տավուշը հանուն հայրենիքի» շարժմանը (տեսանյութ) ՈՒՂԻՂ․ Բագրատ սրբազանի գլխավորած շարժման բողոքի ակցիան Ազգային օպերայի շենքի մոտ Հայաստանի դեպքում՝ քար լռություն է, Վրաստանի դեպքում՝ ԱՄՆ-ն և ԵՄ-ն ամեն օր հարձակվnւմ են իշխանությունների վրա. Զախարովա «Հրապարակ»․ Խորհրդարանի պաշարում կլինի՞ արդյոք Վրաստանի խորհրդարանում վեճերը վերաճել են ծեծկռտուքի (տեսանյութ) Հարավաֆրիկյան Հանրապետությունում շենքի փլուզման զոհերի թիվը հասել է 24- ի