Ռուբեն Քոչար. «Այդ ի՞նչ կա իմ ֆիլմում, որ խառնեց մարդկանց»

Ռեժիսոր Ռուբեն Քոչարի նոր ֆիլմը դեռ չի հայտնվել Էկրաններին, բայց համացանցում հասցրել է մեծ աղմուկ բարձրացնել և քննարկվել: Առաջին հայացքից բաց տեսարաններով այս ֆիլմը պարզվում է՝ լուրջ հոգեբանական դրամա է: ArmStar.am-ը զրուցեց իրարանցում առաջացրած ֆիլմի ռեժիսորի հոտ, ով զարմացած էր բարձրացված աղմուկի փաստից. «Ինչպես հասկացան, որ ֆիլմը բաց տեսարաններով է, եթե չեն տեսել ամբողջությամբ: «Իմ անունն է Վիոլա» ֆիլմը տևում է երկու ժամ, իսկ քննադատողները տեսել են ընդամենը մեկ րոպե տասը նայրկյանանոց մի հոլովալ: Ինչպես կարողացան հասկանալ, որ այն բաց տեսարաններով է, և ասենք թե կան նման տեսարաններ, հետո ի՞նչ, դա ի՞նչ է խանգարում»,- նշեց Ռուբեն Քոչարը:

Ռեժիսորը բացի բացասական մեկաբանություններից կարդում է նաև լավերը, որոնք իր կարծիքով ավելի են գերակշռում. «Լավ բաներ էլ են գրում, որոնք ավելի շատ են, իսկ վատ գրողներին պարզապես չեմ հասկանում, կամ նրանք ուրիշ աշխարհից են, կամ՝ ուրիշ մոլորակից: Մենք ամեն դեպքում ֆիլմ ենք ստեղծել՝ էկրանի և հեռուսատաընկերության համար, իսկ պոռնո ֆիլմը դա լրիվ ուրիշ շուկա է, որը մեզ հետ կապ չունի», ավելացրեց ռեժիսորը:

Ռեժիսորը «Իմ անունն է Վիոլա» ֆիլմը համեմատելով հայկական շուկայում նկարահանվող ֆիլմերի հետ նշեց. «Մեր ֆիլմը սահմանների մեջ է, իհարկե համեմատած այսօրվա հայ կինոյին այն ավելի ազատ է ու շատ ավելի ազատ հարցերի մասին է խոսում: Ամեն դեպքում ֆիլմը շատ համարձակ է, բայց այնքան բաց չէ, ինչքան որ խոսում են»:

Ռեժիսորը հերքեց այն լուրերը, թե հոլովակում հայտնված կադրերը, չեն ներգարվվել ֆիմում. «Ինչ կա հոլովակում, կա նաև ֆիլմում, այդ կադրերը օդից չենք վերցրել, պարզապես չեմ հասկանում այդ ինչ տեսան իմ ֆիլմում, որ խառնեց մարդկանց, այդպիսի տեսարաններ ոչ մի ֆիլմում չե՞ն տեսել»:

Խոսելով դերասանական կազմի մասին Ռուբեն Քոչարը նշեց. «Շատ լավ դերասաններ են և շատ համարձակ: Նրանք հայաստանցի դերասաններ չեն ու դա շատ է խանգարում ինձ այն իմաստով, որ մարդիկ շատ վախեցած են կյանքից: Հայ դերասանները չեն համաձայնվի ռիսկի դիմել՝ վախենալով հայ ադաթավոր կարծիքներից»: Իսկ դերասան Միքայել Պողոսյանի «համարձակ» լինելու մասին այսպես ասաց. «Այնքան էլ համարձակ չէր, բայց համարձակներից մեկն էր, այսօր ավելի համարձակներ էլ կան»:

Մինչ ֆիլմը կներկայացվի հայ «խիստ» հանդիսատեսի դատին, նախ այն կմեկնի մի քանի «շրջագայությունների». «Այս պահին մենք գնում ենք Կանն, որտեղ էլ կկայանա ֆիլմի պրեմիերան: Դրանից հետո Լոնդոնում ունենք մի հանդպիում, կրկին ֆիլմի հետ կապված, իսկ երբ հունիսին վերադառնանք, արդեն կպլանավորենք ֆիլմի ցուցադրությունը նաև Հայաստանում, կամ հուլիսի վերջին, կամ սեպտեմբերին, տեսնենք ինչպես կստացվի»:

Զրույցի վերջում խոսքն ուղղելով հանդիսատեսին՝ ռեժիսորն ասաց. «Ես կարծում եմ՝ այդ հոլովակի մի քանի վայրկյանը պետք է մտածելու առիթ տա և մարդիկ գնան նայեն, որ հասկանան, թե ինչ է ուզում ասել ֆիմը, ինչի մասին է, որովհետև ամեն մարդ այդ հոլովակում ուզեց տեսնել այն, ինչ ուզում էր տեսնել: Շատ հարցեր կան, որ ես ափսոսում եմ, որ չկան ֆիլմում, բայց կլինեն: Եթե հիմա խոսեմ այդ հարցերի մասին, արդեն ֆիլմը կսկսի բացվել, եկեք և կտեսնեք», հորդորեց ռեժիսորը:

Զրուցեց Սիրանուշ Գրիգորյանը