Ֆուտբոլիստները Մայքլ Օուենի մեքենայի վրա ձու և ալյուր են նետել (լուսանկարներ)

Անգլիական «Սթոք Սիթիի» ֆուտբոլիստները ձու և ալյուր են նետել իրենց խաղընկերոջ՝ Մայքլ Օուենի մեքենայի վրա: Ֆուտբոլիստը թվիթերյան իր էջում տեղադրել է մեքենայի լուսանկարը: Ինչպես գրում է  Dirty Tackle-ը, ֆուտբոլիստները ցանկացել են նման կերպ «թոշակի» ճանապարհել 33-ամյա Օուենին: Անգլիայի հավաքականի նախկին ֆուտբոլիստը «Տոտենհեմի» հետ հանդիպմանն անցկացրել է իր կարիերայի նախավերջին հանդիպումը: Սակայն, չնայած դրան, ողջ հանդիպմանը եղել է պահեստայինների նստարանին: Ֆուտբոլիստը նաև նշել է այն խաղացողների անունները, որոնց այդ «վանդալիզմի» հնարավոր մասնակից է համարում՝ Կրաուչ, Ուոլտերս, Էթերինգթոն:

Նշենք, որ մայիսի 19-ին Անգլիայի առաջնության 38-րդ տուրի «Ստոք Սիթի»-«Սաութհեմփթոն» խաղից հետո Օուենը կհայտարարի կարիերան ավարտելու մասին:

Օուենը հանդես է եկել «Լիվերպուլում», «Մանչեսթեր Յունայթեդում», «Ռեալում» և «Ստոք Սիթիում»: Անգլիայի հավաքականի կազմում անցկացրել է 89 խաղ և հեղինակել 40 գոլ: