Տատիկներն ու պապիկները գլուխները կորցրած՝ սեղաններից ճանկում էին իրենց կարոտած հացը (տեսանյութ)

Մեր տատիկներն ու պապիկները, մեր մարդիկ, խելագարված, գլուխները կորցրած՝ սեղաններից ճանկում էին իրենց կարոտած հացը, իրենց բերանից խլված պատառը, իրենց միսը, աղը, հյութը: Համացանցում հայտնված հոլովակը սկզբում պարզապես չի ստացվում նայել: Բայց բոլորս պարտավոր ենք նայել. պարտավոր ենք, որովհետեւ գուցե վաղը, մյուս օրը կամ մի քանի ժամից հենց մենք ենք ստիպված լինելու մեր հացի համար անել այնպիսի քայլեր, որոնց մասին չէինք էլ երեւակայում:

Մեր տատիկներն ու պապիկները, մեր երկրի սոված մարդիկ վրա են տալիս, ցնցում սեղանը, միսն ու հացը ձեռքերով խլում, գրպանում են: Հետո տեսարանն այլեւս ցնցող զգացողություններ չի առաջացնում: Կամ ուզում ես քրքջաս, կամ ոռնաս, բայց երկուսն էլ չես անում, ընդհակառակը՝ համոզված ես, որ էս նորմալ է, որ էս տեսարանն անմիջականորեն ծագել է երկրում տիրող սոցիալական ծանր վիճակից, բա էդպես էլ պիտի լինի, բա սոված մարդը պիտի միս ու հաց տեսնելիս հայրենիքն ու եկեղեցուն մոռանա ու մղվի իր բաժինը խլելուն:

Հ.Գ. Նշենք, որ «Հրապարակ»-ի այս հրապարակման համար հիմք է ծառայել մի տեսանյութ, որը երեկ մեծ տարածում գտավ համացանցում:

Երեկ, Աբովյանում Սուրբ Հովհաննես Մկրտիչ եկեղեցու բացման արարողությունից հետո ԲՀԿ առաջնորդ Գագիկ Ծառուկյանի հովանավորությամբ ներկաների համար ճաշկերույթ էր կազմակերպվել:

Առավել մանրամասն առաջարկում ենք դիտել տեսանյութում.