«Ազգ». ՀՀՇ երկրորդ շնչառությունը

Ալեքսանդր Արզումանյանը, Արարատ Զուրաբյանը, Հովհաննես Իգիթյանն ու Կարապետ Ռուբինյանը որոշել են երկրորդ շնչառություն տալ Հայոց համազգային շարժում կուսակցությանը, եւ վերագրանցվող ՀՀՇ-ն կլինի նախկինի իրավահաջորդը: Նրանց գնահատմամբՙ ՀՀՇ վերջին համագումարի ժամանակ միայն անվանափոխություն տեղի չունեցավ: «Տեղի ունեցավ նաեւ գաղափարախոսության փոփոխությունը, ինչը պաշտոնապես հռչակվեց: ՀՀՇ-ի իրավահաջորդը պետք է լինի նրա գաղափարախոսության կրողը», ասաց Արարատ Զուրաբյանըՙ հավելելով, որ այդ ուժը ոչ թե ՀԱԿ-ն է, այլ նորաստեղծ ՀՀՇ-ն: Հովհաննես Իգիթյանն էլ առաջարկեց չնույնականացնել ՀՀՇ-ն Լեւոն Տեր-Պետրոսյանի հետ, քանի որ այդ կուսակցության ձեւավորումը եղել է ԽՍՀՄ փլուզման ժամանակներում ընթացող մի գործընթացի արգասիք: