Ինչպե՞ս կարող է ՕԵԿ-ը կցորդ լինել. Հեղինե Բիշարյանը՝ ՕԵԿ-ի մասին

«Ինչպե՞ս կարող է կցորդ լինել մի քաղաքական ուժ, որն արդեն 16 տարի քաղաքական դաշտում ունի իր ուրույն տեղն ու դերը, որը մշտապես հաղթել է վերջին 5 համապետական ընտրություններում, Եվրոպական ժողովրդական կուսակցության անդամ է եւ այսօր էլ իշխանության թե օրենսդիր եւ թե գործադիր մարմիններում ունի իր դերակատարումը եւ ազդեցությունը որոշումների ընդունման եւ իրագործման գործում: Օրինակ, այսօր ԱԺ-ի ընդունած օրենքներիեւ որոշումների գերակշիռ մասն ընդունվում է ՀՀԿ-ի եւ ՕԵԿ-ի պատգամավորների համատեղ քվեարկությամբ՝ միջինը 70 կողմ ձայներով, եւ մեր դերն այստեղ շատ կարեւոր է:

Երկրորդ. իշխանության սխալները նախեւառաջ պետք է քննադատիընդդիմությունը, ինչը մենք ինքներսշատ ավելի լավ ու գրագետ ենք անում, քան իրենք: Եվ, վերջապես.«Օրինաց երկիրն» այն քիչ քաղաքական ուժերից է, որը քաղաքական ուժ է բառիս բուն իմաստով:

Սա արդեն ապացուցելու կարիք չունի:Տեսե՞լ եք երբեւէ մեր ասածի կամ արածի մեջ քաղաքական բաղադրիչի բացակայություն: Իհարկե չեք տեսել: Տեսե՞լ եք երբեւէ, որ ՕԵԿ-ը հստակ դիրքորոշում չունենա քաղաքական կարեւորագույն գործընթացների վերաբերյալ՝ կլինեն դրանք տարբեր մակարդակի ընտրություններ, արտաքին եւ ներքին քաղաքական օրակարգի խնդիրներ եւ այլն, իհարկե չեք տեսել:

Կարող եմ շարքը երկար թվարկել: Համենայնդեպս, եղել ենք ընդդիմություն, բայց սիլի-բիլի չենք արել իշխանությունների հետ, եղել ենք իշխանություն, բայց էժան քննադատությամբ քաղաքական դիվիդենտներ չենք շահել:Իսկ վերջին տարիների քաղաքական գործընթացները, մասնավորապես նախագահական ընտրությունները, հստակ ցույց տվեցին, թե ովքեր են իրական կցորդները, ովքեր են հանուն իրենց նեղ անձնական եւ այլ շահերի պատրաստ առուծախի ենթարկել այն քաղաքական կապիտալը, որը հասարակությունը նրանց տվել էր նախորդ ընտրությունների ժամանակ: Մի խոսքով, ժամանակը գրեթե բոլոր հարցերի պատասխաններն արդեն տվել է:

Թե ով ով է, մենք բոլորս շատ լավ գիտենք, պարզապես քաղաքականությամբ զբաղվող մի քանի խմբավորումներ կան, որոնքուղղակի վերածվել են գործիքի, որոնց ով ոնց հասցնում՝ օգտագործում է, բայց բոլորից բարձր իրենք են գոռում ու պիտակավորում այլոց: Սակայն այս ամենը վերջնականապես կավարտվի մյուս ընտրություններին, քանի որ քաղաքական աղբանոցի ճանապարհ ընկած այդ ուժերը, վստահ եմ, բարեհաջող տեղ կհասնեն», թերթի թղթակցի հետ զրույցում ասել է ՕԵԿ փոխնախագահ Հեղինե Բիշարյանը:

Առավել մանրամասն՝ «Հրապարակ»-ի մայիսի 16-ի համարում: